Video: PM મોદીના પિતા પરની ટિપ્પણીના વિરોધમાં ભાજપનું પ્રદર્શન, ગાંધીનગરમાં કોંગ્રેસ કાર્યાલય સુધી રેલી

 પ્રધાનમંત્રી નરેન્દ્ર મોદીના પિતા અંગે કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે દ્વારા કરવામાં આવેલી ટિપ્પણીના વિરોધમાં ભાજપ દ્વારા ગાંધીનગરમાં વિરોધ પ્રદર્શન યોજાયો છે. ગાંધીનગરના ઘ-5 સર્કલથી ગાંધીનગર કોંગ્રેસ સમિતિની કચેરી સુધી ભાજપના નેતાઓ અને કાર્યકરોનો રેલી સ્વરૂપે જઈ વિરોધ પ્રદર્શન કરવાનું આયોજન છે.

ગાંધીનગર કોંગ્રેસ કચેરી સુધી રેલી સ્વરૂપે પહોંચશે

આ વિરોધ પ્રદર્શનમાં ભાજપના પ્રદેશ પ્રમુખ જગદીશ વિશ્વકર્મા અને પ્રદેશ પ્રભારી તરુણ ચુગ સહિતના આગેવાનો જોડાશે. આ ઉપરાંત અમદાવાદ અને ગાંધીનગરના ભાજપના નેતાઓ પણ વિરોધ પ્રદર્શનમાં હાજર રહેશે. ભાજપના નેતાઓ અને કાર્યકરો ઘ-5 સર્કલથી રેલી સ્વરૂપે ગાંધીનગર કોંગ્રેસ સમિતિની કચેરી સુધી પહોંચશે. આ દરમિયાન કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેની ટિપ્પણી સામે વિરોધ વ્યક્ત કરવામાં આવશે.

પ્રધાનમંત્રીના પિતા અંગે કરવામાં આવેલી ટિપ્પણીને લઈને ભાજપે વિરોધનો માર્ગ અપનાવ્યો છે. ગાંધીનગરમાં યોજાનારા આ કાર્યક્રમમાં પ્રદેશના અગ્રણી નેતાઓની હાજરીને કારણે રાજકીય માહોલ ગરમાવાની શક્યતા છે.