RRB સ્ટેશન માસ્ટર ભરતી 2026 માટે બહાર પડ્યું નોટિફિકેશન, આ તારીખથી શરૂ થશે અરજી પ્રક્રિયા

રેલવેમાં સરકારી નોકરીનું સ્વપ્ન જોતા યુવાનો માટે એક મહત્ત્વપૂર્ણ સમાચાર છે. રેલવે ભરતી બોર્ડ (RRB) એ RRB સ્ટેશન માસ્ટર ભરતી 2026 માટે એક શોર્ટ નોટિફિકેશન બહાર પાડ્યું છે. સત્તાવાર નોટિફિકેશન અનુસાર, આ પદો માટે ઓનલાઈન અરજી પ્રક્રિયા 27 ઓક્ટોબરથી શરૂ થશે. ઉમેદવારો 27 નવેમ્બર, 2026 સુધી આ પદો માટે અરજી કરી શકશે.

વય મર્યાદા

સ્ટેશન માસ્ટર પદો માટે અરજી કરવા માટે ઉમેદવારોની ઉંમર 1 જાન્યુઆરી, 2027 થી ગણતરી કરવામાં આવશે. ઉમેદવારોની ઉંમર 18થી 33 વર્ષની વચ્ચે હોવી જોઈએ.

શૈક્ષણિક લાયકાત

સ્ટેશન માસ્ટર પદો માટે અરજી કરવા માટે ઉમેદવારો પાસે માન્ય યુનિવર્સિટીમાંથી ગ્રેજ્યુએશનની ડિગ્રી હોવી આવશ્યક છે. તેઓએ અન્ય પાત્રતા માપદંડો પણ પૂર્ણ કરવી આવશ્યક છે.

પસંદગી પ્રક્રિયા

ઉમેદવારોની પસંદગી CBT પરીક્ષા, ડોક્યુમેન્ટ વેરિફિકેશન અને મેડિકલ ટેસ્ટના આધારે કરવામાં આવશે. CBT પરીક્ષામાં વિજ્ઞાન, ગણિત અને રિઝનીંગ જેવા વિષયોના 100 પ્રશ્નો હશે. આ પરીક્ષા 120 મિનિટ ચાલશે.

અરજી ફી

ઉમેદવારોએ અરજી કરવા માટે ફી ચૂકવવી પડશે. બિન અનામત કેટેગરીના ઉમેદવારોએ 500 રૂપિયા ચૂકવવા પડશે અને અનામત કેટેગરીના ઉમેદવારોએ 250 રૂપિયા ચૂકવવા પડશે. લેખિત પરીક્ષામાં પાસ થનારા ઉમેદવારોને ડોક્યુમેન્ટ વેરિફિકેશન અને મેડિકલ ટેસ્ટ માટે બોલાવવામાં આવશે.

માસિક પગાર

સ્ટેશન માસ્ટરનું પદ 7મા પગાર પંચના પગાર સ્તર 6 હેઠળ આવે છે. તેથી, આ પદો માટે પસંદ કરાયેલા ઉમેદવારોને દર મહિને 35,400 રૂપિયાનો પ્રારંભિક પગાર મળશે.