CA ઈન્ટરમીડિયેટનું પરિણામ જાહેર, બંને ગ્રુપમાં ફક્ત 13.21 ટકા વિદ્યાર્થીઓ પાસ થયા

ઈન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઈન્ડિયાએ સપ્ટેમ્બર 2026માં યોજાયેલી ચાર્ટર્ડ એકાઉન્ટન્ટ્સ ઈન્ટરમીડિયેટ પરીક્ષાના પરિણામો જાહેર કર્યા છે. દેશભરમાં પરીક્ષા આપનારા હજારો વિદ્યાર્થીઓ હવે સત્તાવાર વેબસાઈટ caresults.icai.org ની મુલાકાત લઈને તેમના સ્કોરકાર્ડ ચકાસી શકે છે. પરિણામો જોવા માટે ઉમેદવારોએ તેમનો રોલ નંબર અને કેપ્ચા કોડ દાખલ કરવાની જરૂર પડશે. નીલ રાજેશ શાહ અને ચાંડક સાક્ષીએ સંયુક્ત રીતે CA ઈન્ટરમીડિયેટ 2026ની પરીક્ષામાં ઓલ ઈન્ડિયા રેન્ક 1 મેળવ્યો.

પાસિંગ ટકાવારી

ઈન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઈન્ડિયાએ સપ્ટેમ્બર 2026માં ગ્રુપ 1 માટે 23.14 ટકા પાસ ટકાવારી નોંધાવી હતી, જેમાં પરીક્ષામાં બેઠેલા 1,00,301 ઉમેદવારોમાંથી 23,210 પાસ થયા હતા. ગ્રુપ 2 માટે, 68,400 ઉમેદવારોમાંથી 12,938 પાસ થયા હતા, જેમાં 18.92% પાસ થયા હતા. બંને ગ્રુપ માટે 38,339 ઉમેદવારોમાંથી 5,066 પાસ થયા, જેનું કુલ પાસ થવાનું પ્રમાણ 13.21% રહ્યું.

સપ્ટેમ્બર 2026ની ઈન્ટરમીડિયેટ પરીક્ષામાં ટોપર્સ

• નીલ રાજેશ શાહ - 502 ગુણ અને 83.67%
• ચાંડક સાક્ષી - 502 ગુણ અને 83.67%
• શ્રુતિ વી - 492 ગુણ અને 82%
• પ્રેમ અગ્રવાલ - 490 ગુણ અને 81.67%

CA ઈન્ટરમીડિયેટની પરીક્ષા ક્યારે યોજાઈ હતી?

CA ઈન્ટરમીડિયેટ ગ્રુપ 1ની પરીક્ષા 1, 3 અને 6 સપ્ટેમ્બરના રોજ લેવામાં આવી હતી, જ્યારે ગ્રુપ 2ની પરીક્ષા 8, 10 અને 12 સપ્ટેમ્બરના રોજ લેવામાં આવી હતી. ગ્રુપ 1માં, 1 સપ્ટેમ્બરના રોજ એડવાન્સ્ડ એકાઉન્ટિંગ, 3 સપ્ટેમ્બરના રોજ કોર્પોરેટ અને અન્ય કાયદા અને 6 સપ્ટેમ્બરના રોજ ટેક્સેશનની પરીક્ષા લેવામાં આવી હતી. ગ્રુપ 2 માં, 8 સપ્ટેમ્બરના રોજ કોસ્ટ એન્ડ મેનેજમેન્ટ એકાઉન્ટિંગ, 10 સપ્ટેમ્બરના રોજ ઓડિટિંગ અને એથિક્સ અને 12 સપ્ટેમ્બરના રોજ ફાઈનાન્સિયલ મેનેજમેન્ટ અને સ્ટ્રેટેજિક મેનેજમેન્ટની પરીક્ષા લેવામાં આવી હતી. ત્યારબાદ, CA ઈન્ટરમીડિયેટ સપ્ટેમ્બર 2026ની પરીક્ષાના પરિણામો 22 ઓક્ટોબરના રોજ જાહેર કરવામાં આવ્યા છે.

CA ઈન્ટરમીડિયેટ 2026નું પરિણામ કેવી રીતે તપાસવું?

• સૌથી પહેલા વેબસાઇટ caresults.icai.org ની મુલાકાત લો.
• પછી હોમ પેજ પર CA ઈન્ટરમીડિયેટ સપ્ટેમ્બર 2026નું પરિણામ લિંક પર ક્લિક કરો.
• તમારો રજીસ્ટ્રેશન નંબર અને રોલ નંબર દાખલ કરો.
• આ પછી કેપ્ચા કોડ દાખલ કરો અને સબમિટ પર ક્લિક કરો.
• સબમિટ પર ક્લિક કરતાની સાથે જ તમારું પરિણામ સ્ક્રીન પર દેખાશે.
• હવે તમારું પરિણામ તપાસો, તેને ડાઉનલોડ કરો અને પ્રિન્ટ કાઢી લો.