Video: વડાપ્રધાન નરેન્દ્ર મોદીના પિતા વિશે ટિપ્પણી બદલ ભાજપનો વિરોધ માર્ચ

ગાંધીનગરમાં વડાપ્રધાન નરેન્દ્ર મોદીના પિતા વિશે કરવામાં આવેલી અશોભનીય ટિપ્પણીના વિરોધમાં ભારતીય જનતા પાર્ટી દ્વારા વિરોધ કાર્યક્રમ યોજાયો હતો. ભાજપના કાર્યકરો અને નેતાઓએ GH-5 સર્કલથી ગાંધીનગર શહેર કૉંગ્રેસ સમિતિ કાર્યાલય સુધી વિશાળ વિરોધ માર્ચ યોજી હતી. આ રેલી દરમિયાન ભાજપના કાર્યકરોએ પ્લેકાર્ડ અને સૂત્રોચ્ચાર સાથે કૉંગ્રેસ પક્ષ સામે પોતાનો ભારે વિરોધ દર્શાવ્યો હતો. રાજકીય વાતાવરણ ગરમાતાં સ્થળ પર સુરક્ષા વ્યવસ્થા પણ સઘન કરવામાં આવી હતી. ભાજપે કૉંગ્રેસના નેતાઓ દ્વારા કરાયેલા આવા નિવેદનોની સખત શબ્દોમાં નિંદા કરી હતી અને જાહેરમાં માફી માંગવાની માંગ કરી હતી.