VIDEO: ભાવનગરના શિહોર પંથકમાં મુશળધાર વરસાદ: વાવણીલાયક વરસાદ પડતાં જ ધરતીપુત્રોમાં ખુશીની લહેર!
છેલ્લું અપડેટ : 03 Jul 2026
સોર્સ : gstv
ભાવનગરના શિહોર તાલુકાના ટાણા ગામ સહિત આસપાસના ગુંદાળા, સરકડિયા, બોરડી, બેકડી, થાળા, ભાખલ, દેવગાણા, અગિયાળી, વાવડી અને રાજપરા જેવા અનેક ગામોમાં આજે મુશળધાર વરસાદ વરસ્યો છે. લાંબા સમયની રાહ જોયા બાદ પડેલો આ વરસાદ સ્થાનિક ખેડૂતો માટે સાચા અર્થમાં આશીર્વાદરૂપ સાબિત થયો છે. ખેતીકામ માટે અત્યંત અનુકૂળ અને ઉત્તમ વાવણીલાયક વરસાદ પડતાં જ ધરતીપુત્રોમાં ખુશીની લહેર છવાઈ ગઈ છે. આ વરસાદથી સુકાતા ખેતરોમાં નવું જીવન આવ્યું છે અને ખેડૂતો આગામી ખરીફ પાકની વાવણીના કામમાં ભારે ઉત્સાહ સાથે જોડાઈ ગયા છે.
