Patan/ હારીજના પાન પાર્લરમાંથી પ્રતિબંધિત 'ગોગો સ્મોકિંગ કોન' ઝડપાયા

પાટણ જિલ્લામાં નશાકારક અને પ્રતિબંધિત વસ્તુઓનું વેચાણ અટકાવવા માટે પોલીસ દ્વારા સઘન ઝુંબેશ ચલાવવામાં આવી રહી છે. આ કવાયતના ભાગરૂપે પાટણ SOG (સ્પેશિયલ ઓપરેશન ગ્રુપ) પોલીસે હારીજ ખાતે કાર્યવાહી કરીને એક પાન પાર્લરમાંથી પ્રતિબંધિત 'ગોગો સ્મોકિંગ કોન' (Gogo Smoking Cone) નો જથ્થો ઝડપી પાડ્યો છે.

કુલ ₹6,270નો મુદ્દામાલ કબ્જે

SOG પોલીસે હારીજ ખાતે આવેલા શિવ પાન પાર્લર પર દરોડો પાડ્યો હતો. આ દરોડા દરમિયાન પોલીસે પાર્લરમાંથી ગેરકાયદેસર રીતે વેચાણ થતા ગોગો સ્મોકિંગ કોનનો મોટો જથ્થો કબ્જે કર્યો હતો.

ઝડપાયેલા મુદ્દામાલની વિગતો આ મુજબ છે:

પાર્લર સંચાલક વિરુદ્ધ કાર્યવાહી

પોલીસે સ્થળ પરથી પાર્લર સંચાલક કનુ પ્રજાપતિ વિરુદ્ધ કાયદેસરની કાર્યવાહી હાથ ધરી છે. સમગ્ર મુદ્દામાલ જપ્ત કરીને હારીજ પોલીસ મથકે કનુ પ્રજાપતિ વિરુદ્ધ ગુનો નોંધીને આગળની તપાસ શરૂ કરવામાં આવી છે. SOG પોલીસે યુવા પેઢીને નશાના રવાડે ચઢાવતા આવા વેપારીઓ સામે કડક કાર્યવાહી કરવાની ખાતરી આપી છે.