Rajkot news: સિવિલ હોસ્પિટલમાંથી દારૂની બોટલો મળવા મામલે તંત્ર એક્શનમાં, તપાસ કમિટી રચાઇ

રાજકોટ સિવિલ હોસ્પિટલમાં દારૂની નવ ખાલી બોટલ મામલે હોસ્પિટલ તંત્રએ ત્રણ સભ્યોની તપાસ કમિટી રચી આ અંગે તાત્કાલિક પગલાં લેવા આદેશ આપ્યા છે. સિક્યોરિટી એજન્સી પાસે પણ ખુલાસો માંગવામાં આવશે તેમજ પોલીસને પેટ્રોલિંગ વધારવા પણ રજૂઆત કરાશે. 

તપાસ કમિટી સીસીટીવી ચકાસશે

રાજકોટ સિવિલ હોસ્પિટલ ફરી વિવાદમાં આવી છે. હોસ્પિટલ પરિસરમાંથી નવ જેટલી દારૂની ખાલી બોટલ મળતાં હોસ્પિટલ તંત્રએ ત્રણ સભ્યોની તપાસ કમિટી રચી છે. આ પ્રકારનો બનાવ ફરી ન બને તે માટે દાખલારૂપ કાર્યવાહી કરવામાં આવશે. તપાસ કમિટી સીસીટીવી ચકાસશે. સિક્યોરિટી એજન્સી પાસે પણ ખુલાસો માંગશે, તેમજ પોલીસને પેટ્રોલિંગ વધારવા પણ રજૂઆત કરશે. સીસીટીવીના આધારે પણ તપાસ કમિટી દ્વારા તપાસ કરવામાં આવશે.