અલ નીનોની અસરથી શિયાળો પાછો ઠેલાયો, 19 નવેમ્બરથી પારો 3 ડિગ્રી ગગડશે

અલ નીનોની અસરથી શિયાળો પાછો ઠેલાયો, 19 નવેમ્બરથી પારો 3 ડિગ્રી ગગડશે
તસવીર: gstv
આ સમાચાર સાંભળો

નવેમ્બર મહિનાના ત્રણ સપ્તાહ બાદ પણ ગુજરાતમાં શિયાળો હજુ જામ્યો નથી. અલબત્ત, 19 નવેમ્બરથી લઘુતમ તાપમાન 3 ડિગ્રી જેટલું ઘટતાં શિયાળો આખરે જમાવટ કરવા લાગે તેવી પૂરી સંભાવના છે.

ગયા વર્ષે 17 નવેમ્બર સુધી પારો 11થી નીચે ગગડ્યો હતો, આ વખતે હજુ સુધી 15 ડિગ્રીથી નીચે નહીં

17 નવેમ્બર રાત્રિના અમદાવાદમાં 20.5 ડિગ્રી સાથે સરેરાશ લઘુતમ તાપમાનમાં સામાન્ય કરતાં 3.8 ડિગ્રીનો વધારો નોંધાયો હતો. આગામી 19 નવેમ્બર બાદ અમદાવાદનું લઘુતમ તાપમાન 17 ડિગ્રી જેટલું નોંધાઈ શકે છે. ગત વર્ષે અમદાવાદમાં નવેમ્બરના બીજા સપ્તાહ બાદ લઘુતમ તાપમાનનો પારો 15 ડિગ્રીથી નીચે ગગડી ચૂક્યો હતો. જાણકારોના મતે, આ વર્ષે અલ નીનોની અસરથી શિયાળાની એન્ટ્રી મોડી થઈ છે. ગત વર્ષે ગુજરાતમાં 17 નવેમ્બરના 10.8 ડિગ્રી સાથે નલિયા ઠંડુગાર હતું.

જાહેરાત

અમદાવાદમાં નવેમ્બરનું તાપમાન

તારીખ      2025      2026
15             16.5        19.6
16             16.0        21.2
17             14.8        20.5

17 નવેમ્બરના રાત્રિના રાજ્યભરમાં અન્ય વિસ્તારોની વાત કરીએ તો, ડીસામાં 18.9, વડોદરા-અમરેલીમાં 19.6, સુરતમાં 20.6, ગાંધીનગરમાં 21.2, ભુજમાં 21.6, જુનાગઢમાં 21.7, ભાવનગરમાં 21.8, રાજકોટમાં 22.6 ડિગ્રી સરેરાશ લઘુતમ તાપમાન નોંધાયું હતું.

રાજ્યમાં તાપમાનમાં સતત ઉતાર-ચઢાવ જોવા મળશે

હવામાન વિભાગની આગાહી મુજબ આગામી દિવસોમાં ગુજરાતમાં ઠંડીનો ચમકારો વધવાની પૂરી સંભાવના છે। રાજ્યભરમાં લઘુત્તમ તાપમાનમાં બેથી ત્રણ ડિગ્રીનો ઘટાડો નોંધાઈ શકે છે, જેના કારણે વહેલી સવારે અને મોડી રાત્રે ગુલાબી ઠંડીનો અનુભવ વધુ તીવ્ર બનશે। જોકે, આ દરમિયાન ગુજરાત, સૌરાષ્ટ્ર અને કચ્છમાં આગામી દિવસોમાં હવામાન સૂકું જળવાઈ રહેશે. આમ, રાજ્યમાં ઠંડી અને ગરમીના મિશ્ર વાતાવરણ વચ્ચે આગામી દિવસોમાં તાપમાનમાં સતત ઉતાર-ચઢાવ જોવા મળશે.

આ સમાચાર શેર કરો

જાહેરાત