Video: અમદાવાદના ઓઢવમાં આવેલી નટરાજ હાઈસ્કૂલમાં ફરી ગેરરીતિ ધ્યાનમાં નોટિસ ફટકારાઈ

અમદાવાદના ઓઢવ વિસ્તારમાં આવેલી નટરાજ હાઈસ્કૂલને જિલ્લા શિક્ષણાધિકારી દ્વારા સત્તાવાર નોટિસ ફટકારવામાં આવી છે. શાળા વહીવટી તંત્ર દ્વારા શિક્ષકો અને કર્મચારીઓને મળવાપાત્ર કાયદેસરના આર્થિક લાભો સમયસર ન આપવામાં આવતા શિક્ષણ વિભાગે લાલ આંખ કરી છે. વિગતો મુજબ, પાંચ વર્ષનો સેવાનો સમયગાળો પૂર્ણ થઈ ગયો હોવા છતાં કેટલાક કર્મચારીઓની પૂરા પગારની ફાઈલ અને અન્ય પાંચ કર્મચારીઓની ઉપાધિની દરખાસ્ત પણ સમયસર રજૂ કરવામાં આવી ન હતી. DEO દ્વારા આ ગંભીર વિલંબની ગંભીર નોંધ લેવામાં આવી છે અને નટરાજ હાઈસ્કૂલ સહિત સંબંધિત શાળાઓને તાત્કાલિક ધોરણે તમામ દરખાસ્તો રજૂ કરવા કડક આદેશ અપાયો છે. જો નિર્ધારિત સમયમર્યાદામાં આ પ્રક્રિયા પૂર્ણ નહીં થાય, તો નિયમો અનુસાર કાયદેસરની સખત કાર્યવાહી કરવાની પણ ચીમકી ઉચ્ચારવામાં આવી છે.