રાજ્યના CM તરીકેની ગરિમા અને એક પ્રેમાળ દાદાનો અનોખો સંગમ

થરાદ ખાતે આયોજિત ૭૭મા પ્રજાસત્તાક પર્વની રાજ્યકક્ષાની ઉજવણીમાં એક હૃદયસ્પર્શી દ્રશ્ય જોવા મળ્યું હતું, જ્યાં મુખ્યમંત્રી ભૂપેન્દ્ર પટેલ રાષ્ટ્રીય ગૌરવના આ અવસરે પોતાના પૌત્ર અંશ અનુજ પટેલને ખોળામાં બેસાડીને કાર્યક્રમ નિહાળતા નજરે પડ્યા હતા. રાજ્યના વડા તરીકેની ગરિમા અને એક પ્રેમાળ દાદા તરીકેનો આ અનોખો સંગમ ઉપસ્થિત જનમેદનીમાં આકર્ષણનું કેન્દ્ર બન્યો હતો. શિસ્તબદ્ધ પરેડ અને સાંસ્કૃતિક કરતબો વચ્ચે મુખ્યમંત્રીનો આ પારિવારિક અંદાજ વહીવટ અને વાત્સલ્યના સુંદર સમન્વયને ઉજાગર કરતો હતો.