ગોંડલ: શંકાસ્પદ ચાંદીપુરાથી 7 મહિનાના બાળકનું મોત, પરપ્રાંતિય મજૂરના બાળકમાં દેખાયા હતા લક્ષણો

રાજ્યમાં શંકાસ્પદ ચાંદીપુરા વાયરસથી અસરગ્રસ્ત બાળકોના મોતના સતત અહેવાલ સામે આવી રહ્યા છે.રાજ્યમાં ચાંદીપુરા વાયરસથી સંક્રિમત શંકાસ્પદ 84 કેસો સામે આવ્યા છે. 

7 મહિનાના બાળકનું સારવાર દરમ્યાન મોત

રાજકોટના ગોંડલ તાલુકાના ગ્રામ્ય વિસ્તારમાં પરપ્રાંતિય મજૂરના 7 મહિનાના બાળકમાં શંકાસ્પદ ચાંદીપુરા વાયરસના લક્ષણો સામે આવ્યા હતા. બાળકને સારવાર અર્થે રાજકોટ સિવિલમાં ખસેડવામાં આવ્યો હતો. 7 મહિનાના બાળકનું સારવાર દરમ્યાન આજે મોત નીપજ્યું હતું.

ચાંદીપુરા વાયરસના લક્ષણ

• ખેંચ આવવી
•  માથાનો દુ:ખાવો
•  બેભાન થવું
•  હાઇગ્રેડ તાવ
•  ઉલટી
• ઝાડા

- 0થી 14 વર્ષના બાળકોને આ બીમારીની સંભાવના વધારે છે.
- જો આવા ચિહ્ન-લક્ષણો સાથેની બીમારી જણાય તો તાત્કાલિક નજીકના આરોગ્ય કેન્દ્રનો સંપર્ક કરવો...