Surendranagar News: કંથારિયામાં યુવકની હત્યા કરનારા 5 હત્યારાઓ ઝડપાયા, પોલીસને મળી મોટી સફળતા

સુરેન્દ્રનગરના કંથારીયામાં થયેલ યુવકની હત્યાની તપાસમાં પોલીસને મોટી સફળતા મળી છે. કંથારિયામાં યુવકની હત્યા કરનારા 5 હત્યારાઓને પોલીસે ઝડપી લીધા છે. મોટર સાઈકલની સિટ સળગવા મુદ્દે 5 લોકોએ ભેગા મળી યુવકની હત્યા કરી હોવાનું સામે આવ્યું છે. હત્યારાઓએ હત્યા કરી યુવકના મૃતદેહને સળગાવવાનો પ્રયાસ કર્યો હતો. 

જણાવી દઈએ કે સુરેન્દ્રનગરના કંથારિયામાં રમેશ નામના યુવકની હત્યા કરનારા 5 હત્યારાઓને ઝડપી લઈ પોલીસે કાયદાનું ભાન કરાવ્યું છે.  હત્યારાઓએ હત્યા કરી યુવકના મૃતદેહને સળગાવી નાખવાનો પ્રયાસ કર્યો હતો. સુરેન્દ્રનગર ચુડા પોલીસે હત્યાનો ભેદ ઉકેલી પિતા અને 4 પુત્રો સહિત પાંચ આરોપીને ઝડપી લઈ વધુ તપાસ આદરી છે. 

2 મહિના પહેલા મુકેશ નાગરભાઈ કોરડિયાની બાઈક આરોપીએ સળગાવી હતી. મોટરસાઈકલ મુદ્દે રમેશભાઈ કોરડિયાએ મુકેશભાઈને આરોપીના નામ આપી દીધા હતા. જેથી આરોપીઓ કિરણભાઈ સોલંકી અને તેમના 4 પુત્રો અશ્વિનભાઈ કિરણભાઈ સોલંકી, અનિલ, પ્રદિપ ઉર્ફે વિશાલ અને ડાર્વિન ધમકી આપતા હતા. 18 જુલાઈએ આ પાંચેય આરોપીઓએ રમેશભાઈની હત્યા કરી હતી જે બદલ પોલીસે તમામની ધરપકડ કરી છે.