Video: ઢોલ-નગારા અને આરતીથી થયું સ્વાગત, પણ ફરાહ ખાને માથા પર તિલક ન લગાવ્યું, લોકોએ કરી ભારે ટ્રોલ

બોલિવૂડમાં સ્ટાર્સનો દરેક અંદાજ ચર્ચાનો વિષય બની જાય છે. ક્યારેક તેનું કોઈ નિવેદન ચર્ચામાં આવી જાય છે તો ક્યારેક તેનું એક નાનું એવું કદમ સોશિયલ મીડિયા પર વિવાદ ઊભો કરે છે. આ વખતે ફિલ્મમેકર અને કોરિયોગ્રાફર ફરાહ ખાન એક વાયરલ વીડિયોને લઈને લોકોના નિશાના પર આવી ગઈ છે. સોશિયલ મીડિયા પર તેનો એક વીડિયો વાયરલ થઈ રહ્યો છે, જ્યાં તેમણે માથા પર તિલક લગાવવાનો ઇનકાર કરી દીધો. આ પછી સોશિયલ મીડિયા પર તેને ખૂબ ટ્રોલ કરવામાં આવી રહી છે.

બોલિવૂડના પ્રખ્યાત ફિલ્મમેકર અને કોરિયોગ્રાફર ફરાહ ખાન એક વાયરલ વીડિયોને લઈને ચર્ચામાં છે. ફૂલોની વર્ષા, ઢોલ-નગારા અને આરતીની થાળી સાથે તેનું સ્વાગત કરવામાં આવ્યું હતું. પરંતુ આ પછી કંઈક એવું થયું કે સોશિયલ મીડિયા પર વિવાદ શરૂ થયો.

માથા પર તિલક લગાવતા રોક્યા

વીડિયો સામે આવ્યા પછી કેટલાક લોકો તેના વર્તન પર સવાલો ઉઠાવી રહ્યા છે. સોશિયલ મીડિયા પર ફરાહ ખાનનો એક વીડિયો વાયરલ થઈ રહ્યો છે. તેમાં તે એક હોટેલની લોબીમાં જોવા મળી રહી છે. હોટેલના કર્મચારીઓ આરતીની થાળી લઈને તેનું સ્વાગત કરતા જોવા મળે છે. આ દરમિયાન એક કર્મચારી ફરાહના માથા પર તિલક કરવા માટે આગળ વધે છે. જોકે, વીડિયોમાં ફરાહ માથા પર તિલક લગાવતા રોકી દે છે, તેના આ જ અંદાજને લઈને સોશિયલ મીડિયા પર કોમેન્ટ્સ આવવા લાગી. કેટલાક યુઝર્સે તેને સ્વાગતની પરંપરા સાથે જોડતા નારાજગી વ્યક્ત કરી. તો વળી, કેટલાક લોકોએ સવાલ કર્યો કે જો ફરાહને માથા પર તિલક નહોતું લગાવવું તો તેને આ પ્રકારના સ્વાગત વિશે પહેલેથી જાણકારી હતી કે નહીં.

વીડિયો વાયરલ થયા પછી ઘણા યુઝર્સે ફરાહ ખાનને નિશાના પર લીધી. એક યુઝરે તેના વર્તન પર કોમેન્ટ કરતા ધાર્મિક પરંપરાઓના સન્માનનો મુદ્દો ઉઠાવ્યો. તો વળી, બીજા યુઝરે દાવો કર્યો કે ફરાહ ફૂલોની વર્ષા દરમિયાન પણ અસહજ દેખાયા અને માથા પર કુમકુમ લગાવવાની ના પાડી દીધી. કેટલાક લોકોએ તેની સાર્વજનિક રીતે સેક્યુલર હોવાની છબીનો હવાલો આપતા પણ સવાલો કર્યા. એક યુઝરે વાયરલ થઈ રહેલા વીડિયો પર લખ્યું- ‘આવા લોકોને બોલાવો છો જ કેમ’? અન્ય એકે લખ્યું- ‘અને કરો ફેમસ આવા લોકોને... હવે શું સેલિબ્રિટી બની ગયા છે આ લોકો... તમારા આપણા બોલવાથી કંઈ નહીં થાય.’