શ્રાવણ મહિનામાં આ અભિનેત્રીએ કરી શરમજનક હરકત, દિવસે ઉપવાસ કર્યો અને સાંજે... 

હિંદૂ ધર્મમાં શ્રાવણનો મહિનો અત્યંત પવિત્ર માનવામાં આવે છે અને આ સમયમાં માસાહાર કરવો વર્જિત માનવામાં આવે છે. પરંતુ તાજેતરમાં બોલીવુડની એક અભિનેત્રીએ આ બધું ભૂલીને એવો કૃત્ય કર્યું છે કે જેને જોઈને દરેક જણ તેની ઉપર ગુસ્સો વ્યક્ત કરી રહ્યો છે.

બોલીવુડ અભિનેત્રી તનુશ્રી દત્તાએ તાજેતરમાં એક વીડિયો શેર કર્યો, જેના કારણે સોશિયલ મિડિયામાં વિવાદ ઉભો થઈ ગયો છે. અભિનેત્રીએ પોતાની ઇન્સ્ટાગ્રામ સ્ટોરીમાં શ્રાવણ વ્રત પછી મટન ખાતો વીડિયો પોસ્ટ કર્યો. આ વીડિયોમાં તેણે જણાવ્યુ કે તે આયુર્વેદ પ્રમાણે મટન ખાઈ રહી છે અને તેના માટે એ શરીર માટે ઔષધિ સમાન છે.

ભોજન એટલે દવા

તનુશ્રીએ તાજેતરમાં પોતાના ઇન્સ્ટાગ્રામ પર એક વીડિયો શેર કર્યો અને તેની સાથે કૅપ્શન લખ્યું: "જો કોઈ તમને એટલું પરેશાન કરે કે તમારી માનસિક તંદુરસ્તી પર અસર થવા લાગે, તો તમે જે ખોરાક લો છો, તેની ઉપર વધુ ધ્યાન આપો, કારણ કે ભોજન એટલે દવા. મારું ડાયટ ખૂબ વિચારવિમર્શ કરીને અને આયુર્વેદ પર આધારિત હોય છે. હું મારી ખોરાકને દવા સમાન ગણું છું."

આગળ તેણે જણાવ્યું કે તેમણે શ્રાવણના વ્રત પ્રમાણે સાંજે 7 વાગ્યા સુધી ઉપવાસ રાખ્યો અને પછી મટન, કાળી દાળ અને ભાત જેવું પોષણયુક્ત ભોજન લીધું. તેણે કહ્યું, "ધાર્મિક વ્રત બહુ કઠોર હોવા જોઈએ નહીં. ખોરાકને શરીરની જરૂરિયાત મુજબ બદલવો જોઈએ. મારા માટે આ રીત વધુ સારી છે — ઉપવાસ પણ થાય છે અને ત્યારબાદ શરીરને જરૂરી પોષણ પણ મળે છે."

યૂઝર્સે વ્યક્ત કરી નારાજગી

તનુશ્રીનો આ વીડિયો સામે આવ્યા પછી સોશિયલ મિડિયામાં યૂઝર્સે તેને બહુ જ ટ્રોલ કરી છે. એક યુઝરે લખ્યું, "તમે શ્રાવણમાં આ શું બતાવી રહ્યા છો? તમે ઠીક છો ને?" બીજાએ લખ્યું, "શ્રાવણમાં માસાહાર વર્જિત છે અને તમે મટન ખાઈ રહ્યા છો, શરમજનક છે." અન્ય યુઝરે ટિપ્પણી કરી, "પશુઓને મારીને પશુપતિનાથની શરણે જવાથી દેવ પ્રસન્ન થતા નથી, મેડમ."

તનુશ્રીનો જવાબ

તેના જવાબમાં તનુશ્રી દત્તાએ લખ્યું: "બંગાળમાં બધા વ્રતો આવાં જ રાખવામાં આવે છે. અમે લોકો સાંજ સુધી માત્ર પાણી પર ઉપવાસ રાખીએ છીએ અને પછી સુર્યાસ્ત પછી દેવીને ભોગ અર્પણ કરીએ છીએ, જેમાં બકરીનું માંસ પણ હોય છે. દરેક સંસ્કૃતિ અલગ હોય છે. એટલે બિનજાણકારીમાં કોઈને જજ ન કરવું જોઈએ. કૃપા કરીને આખો વીડિયો જુઓ, પછી ટિપ્પણી કરો."