Bollywood news: 'સૈયારા' ફિલ્મે અધધ કમાણી કરી, 7 નવા રેકોર્ડ બનાવી દીધા, જાણો

Saiyaara:  સૈયારા ફિલ્મ છબીઘરોમાં રિલીઝ થયા બાદ લોકોને ખૂબ પસંદ પડવા લાગી છે. જેથી આ ફિલ્મ જોવા લોકો થિયેટરમાં ઘોડાપૂરની જેમ ઉમટી રહ્યા છે. આ ફિલ્મને ઘણા બધા દર્શકો મળી રહ્યા છે. આ ફિલ્મ કમાણીના મામલે એક પછી એક નવા રેકોર્ડ બનાવી રહી છે, જેને જોયા પછી દરેકના મનમાં એક જ વાત છે કે અહાન પાંડે અને અનિત પદ્દાની જોડી સુપરહિટ છે.અહાન પાંડે અને અનિત પદ્દાની પહેલી ફિલ્મ 'સૈયારા' સુપરહિટ બની છે.

આ પણ વાંચો :

Ahmedabad news: ગ્રાહકોના નાણાંની ઉચાપત કેસમાં પૂર્વ પોસ્ટ માસ્ટરને ગ્રામ્ય CBI કોર્ટે ફટકારી સજા

Ahmedabad plane crash: એર ઇન્ડિયાના ડ્રીમ લાઇનરની ફ્યુઅલ સિસ્ટમમાં કોઇ ખામી ન મળીઃ FAAની તપાસમાં ખુલાસો

આ ફિલ્મે દર્શકોના દિલ જીતી લીધા છે અને લોકો તેને જોવા માટે સિનેમાઘરોમાં ઉમટી રહ્યા છે. લોકોને ફિલ્મની વાર્તા ખૂબ જ પસંદ આવી રહી છે અને દિગ્દર્શક મોહિત સૂરી સાથે કલાકારોના અભિનયની પણ પ્રશંસા થઈ રહી છે. ફિલ્મ રિલીઝ થયાને સાત દિવસ વીતી ગયા છે. ફિલ્મ સતત નવા રેકોર્ડ બનાવી રહી છે. સેકનિલ્કના મતે, વિશ્વભરમાં 200 કરોડથી વધુ કમાણી કરવાની સાથે, ફિલ્મ 200 કરોડ ક્લબમાં પણ સામેલ થઈ ગઈ છે. એટલું જ નહીં, આ ફિલ્મે 7 વધુ રેકોર્ડ પોતાના નામે નોંધાવ્યા છે. આ સાથે, બોક્સ ઓફિસ કમાણીના મામલે ફિલ્મે ઘણી ફિલ્મોને પાછળ છોડી દીધી છે. જો આપણે ફક્ત ભારતમાં ફિલ્મની કમાણીની વાત કરીએ, તો આ આંકડો 170 કરોડને વટાવી ગયો છે. 

7 નવા રેકોર્ડ બનાવ્યા
મોહિત સુરી દ્વારા દિગ્દર્શિત આ ફિલ્મે તેની ઊંડી પ્રેમકથાથી દર્શકોના હૃદયમાં સ્થાન બનાવ્યું છે. ચાલો તમને તેના નવા રેકોર્ડ વિશે જણાવીએ. નવા રેકોર્ડની યાદી જુઓ...

આ પણ વાંચો :

Sensex today: સપ્તાહના છેલ્લા દિવસે બજારમાં કડાકો! સેન્સેક્સ 721 પોઈન્ટ તૂટ્યો; ઘટાડા માટે આ 3 કારણો જવાબદાર

FII data: નબળાં ત્રિમાસિક પરિણામો, એફઆઈઆઇની વેચવાલીએ બજારનો મૂડ બગાડ્યોઃ સતત ચોથા સપ્તાહે ઘટાડાથી રોકાણકારોના 7.77 લાખ કરોડ ડૂબ્યા

1 ડેબ્યુ સ્ટાર અહાન પાંડે અને અનિત પડ્ડા વાળી આ ફિલ્મને સૌથી મોટી ઓપનિંગ મળી. ફિલ્મે પહેલા દિવસે જ 21.5 કરોડની કમાણી કરી હતી. અગાઉ આ રેકોર્ડ 'ધડક'ના નામે હતો જેણે 8.76 કરોડની કમાણી કરી હતી.

2 અત્યાર સુધી કોઈ લવ સ્ટોરીએ શરૂઆતના દિવસે આટલી કમાણી કરી નથી. અગાઉ આ રેકોર્ડ કબીર સિંહનો હતો જેણે પહેલા દિવસે 20.21 કરોડની કમાણી કરી હતી.

3 આ મોહિત સૂરીના કરિયરની સૌથી મોટી ઓપનિંગ ફિલ્મ છે. આ પહેલા સિદ્ધાર્થ અને શ્રદ્ધાની 'એક વિલન'એ 16.70 કરોડની કમાણી કરી હતી.

4 આ પહેલી વાર છે જ્યારે ડેબ્યૂ સ્ટાર કાસ્ટ ધરાવતી ફિલ્મે પહેલા જ અઠવાડિયામાં 200 કરોડથી વધુ કમાણી કરી હોય.
5 ત્રીજી નોન-પેન ઈન્ડિયા ફિલ્મ જેણે 7 દિવસમાં વિશ્વભરમાં 200 કરોડનો આંકડો પાર કર્યો.

6 'સૈયારા' 2025ની ટોચની પાંચ સૌથી વધુ કમાણી કરનારી ફિલ્મોમાં પ્રવેશી.

7 ફિલ્મે પાંચમા દિવસે એટલે કે મંગળવારે 25 કરોડ રૂપિયાની કમાણી કરી અને આ સાથે, મંગળવારે સૌથી વધુ કમાણી કરનારી ફિલ્મોનો રેકોર્ડ પણ વધ્યો.

સૈયારા ફિલ્મનું ક્લેકશન