અંદરથી રાજમહેલ જેવું દેખાય છે અજય દેવગણનું 'શિવશક્તિ'! કરોડના બંગલામાં કાજોલનો આ ખૂણો છે સૌથી ફેવરિટ
છેલ્લું અપડેટ : 02 Oct 2026
બોલિવુડના ‘સિંઘમ’ ગણાતા અજય દેવગણે ફિલ્મ ઇન્ડસ્ટ્રીમાં ત્રણ દાયકાથી પણ વધુ લાંબી સફર ખેડી છે. 100થી વધુ ફિલ્મોમાં કામ કરી ચૂકેલા અજય મુંબઈમાં જ ઉછરીને મોટા થયા છે અને આજે આ જ શહેરમાં પોતાના પરિવાર સાથે ખૂબ જ આલીશાન જિંદગી જીવે છે. પત્ની કાજોલ, પુત્રી ન્યાસા અને પુત્ર યુગ સાથે તેમનું મુંબઈ સ્થિત ઘર કોઈ મહેલથી ઓછું નથી. અજય અને કાજોલનો આ બંગલો ‘શિવશક્તિ’ તરીકે ઓળખાય છે અને જુહૂની પોશ લોકેશનમાં આવેલો છે.
અજય દેવગણ અને કાજોલનું ‘શિવશક્તિ’ બહારથી જેટલું ભવ્ય દેખાય છે, અંદરથી એટલું જ રોયલ અને શાંતિ આપનારું છે. ઘરના ઇન્ટિરિયરમાં ક્રીમ, સફેદ અને બ્રાઉન રંગોનો ભરપૂર ઉપયોગ કરવામાં આવ્યો છે. લાકડાના એક્સેન્ટ, મોટા-મોટા કાચ, સુંદર લાઇટિંગ અને ભવ્ય સીડીઓ ઘરને એક ક્લાસી લુક આપે છે. અજયે કથિત રીતે આ જુહૂ પ્રોપર્ટી અંદાજે 60 કરોડ રૂપિયામાં ખરીદી હતી.
ઘરમાં પગ મૂકતાં જ સૌથી પહેલાં તેનું ભવ્ય એન્ટ્રન્સ ધ્યાન ખેંચે છે. પથ્થરોથી શણગારેલો આ હિસ્સો ઘરને મહેલ જેવો રોયલ ટચ આપે છે, પરંતુ સાથે જ તેમાં એક હૂંફ પણ જોવા મળે છે. આગળ વધતાં જ સુંદર સ્પાઇરલ (ગોળાકાર) સીડીઓ દેખાય છે, જે આખા ઘરની સૌથી ખાસ બાબતોમાંની એક છે. સફેદ અને ચમકદાર માર્બલ ફ્લોરિંગ આ હિસ્સાની સુંદરતામાં વધુ વધારો કરે છે.
હવે વાત કરીએ એ સીડીની, જે કાજોલના મનપસંદ ફોટો કોર્નર પૈકીનું એક લાગે છે. લાકડાની આ સ્પાઇરલ સીડી પાછળ ઈંડા આકારની (Oval shape) ઘણી બધી લાઈટો લગાવવામાં આવી છે. આ લાઈટોને એવી રીતે ડિઝાઇન કરવામાં આવી છે જાણે સીડીઓ વચ્ચે પાણીના ટીપાં પડી રહ્યા હોય. કાજોલને પણ આ સુંદર બેકડ્રોપ સામે તસવીરો પડાવવાનું ખૂબ પસંદ છે.
ઘરના બીજા ભાગમાં પણ એક સુંદર લાકડાની સીડી છે. સફેદ દીવાલો, ગ્લાસ અને મેટલ રેલિંગ સાથે તેની ડિઝાઇન એકદમ સિમ્પલ પરંતુ સ્ટાઇલિશ છે. આખા ઘરમાં સફેદ અને બ્રાઉન રંગનું કોમ્બિનેશન તેને ક્લાસી અને સોફ્ટ લુક આપે છે. ઘરમાં રોયલ ટચ છે, પરંતુ જરૂર કરતાં વધુ ઝાકઝમાળ નથી.
અજય અને કાજોલના ઘરનો લિવિંગ એરિયા પણ ખૂબ જ ભવ્ય છે. સફેદ રંગથી સજાવેલા આ હિસ્સામાં આરામદાયક સોફા અને મોટું ટીવી નજરે પડે છે. અહીં રાખેલી ઘણી વસ્તુઓ ઘરને મોર્ડન લુક આપે છે. ખાસ વાત એ છે કે રૂમમાં અજય અને કાજોલને મળેલા એવોર્ડ્સ પણ દેખાય છે. આ ઘરમાં સ્ટારડમ માત્ર બહાર જ નહીં, અંદર પણ વર્તાય છે.
અજય-કાજોલના ઘરની બાલ્કની પણ કોઈ સપનાના ખૂણાથી કમ નથી. ચારેય તરફ હરિયાળીથી ઘેરાયેલી આ ખુલ્લી અને હવાઉજાસ વાળી જગ્યા આરામ કરવા માટે પરફેક્ટ લાગે છે. ચાની ચુસ્કી લેતાં લેતાં પુસ્તક વાંચવું હોય કે પછી પરિવાર સાથે શાંતિની કેટલીક ક્ષણો વિતાવવી હોય, આ જગ્યા તેના માટે બિલકુલ યોગ્ય છે. કાજોલ અને ન્યાસાની સોશિયલ મીડિયા તસવીરોમાં પણ ઘરની આ બાલ્કની ઘણી વાર જોવા મળી ચૂકી છે.
ઘરમાં એક સુંદર વરંડો પણ છે, જ્યાંથી લોબીનો શાનદાર નજારો દેખાય છે. આ સિવાય ઘરમાં જગ્યાએ જગ્યાએ છોડ અને ફૂલો પણ વાવવામાં આવ્યા છે. કાજોલ અને અજયને પ્રકૃતિ પસંદ છે અને ઘરની અંદર-બહારની હરિયાળી તેની જુબાની આપે છે. તો વળી ઘરના એક રોશન (અજવાળા વાળા) ખૂણાને કાજોલનો ફેવરિટ સ્પોટ બતાવવામાં આવે છે, જ્યાં બેસીને તે મ્યુઝિક સાંભળવાનું પસંદ કરે છે.
‘શિવશક્તિ’ સિવાય અજય દેવગણ અને કાજોલ પાસે બીજી પણ ઘણી મોંઘી પ્રોપર્ટીઝ છે. તાજેતરમાં જ અજયે જુહૂમાં જ વધુ એક બંગલો ખરીદ્યો હતો, જે ‘શિવશક્તિ’ની નજીક જ હોવાનું કહેવાય છે અને અંદાજે 590 ચોરસ વારમાં ફેલાયેલો છે. આ સિવાય લંડનના પોશ પાર્ક લેન વિસ્તારમાં પણ આ સ્ટાર કપલનો બંગલો હોવાનું કહેવાય છે, જેની કિંમત અંદાજે ૫૪ કરોડ રૂપિયા બતાવવામાં આવી છે.
મુંબઈ બહાર કરજતમાં બંનેનો અંદાજે ૨૮ એકરમાં ફેલાયેલો ફાર્મહાઉસ ‘દેવગણ ફાર્મ્સ’ પણ આવેલો છે. અજય-કાજોલની પ્રોપર્ટી લિસ્ટ પણ તેમની ફિલ્મી જિંદગીની જેમ જ ખૂબ જ શાનદાર છે.
2 ઓક્ટોબરે અજયની 'દ્રશ્યમ ૩' રિલીઝ થઈ છે, હવે જોવાનું એ રહેશે કે થિયેટરમાં આ ફિલ્મ કેટલો કમાલ બતાવી શકે છે.
