એક શખ્સે હેલ્મેટ પહેર્યું હતું, પાછળ બેઠેલા બીજા અસામાજિક તત્વએ અભિનેત્રી દિશાના ઘર પર ચલાવી હતી ગોળીઓ: પોલીસ

બોલિવૂડ અભિનેત્રી દિશા પટણીના ઘરે ગઈકાલે એટલે 12 સપ્ટેમ્બર 2025ના રોજ રાત્રે ફાયરિંગની ઘટના બની હતીં. આ બનાવના પગલે પોલીસે ઘટનાના સીસીટીવી ફૂટેજ તપાસ્યા ત્યારે ઘણી બાબતો સ્પષ્ટ થઈ હતી. બે અસામાજિક તત્વો વિદેશી પિસ્તોલ સાથે સ્પોર્ટ્સ બાઇક પર આવ્યા હતા. તેણે દિશા પટણીના ઘરના પહેલા માળે નિશાન બનાવ્યું હતું. તેણે ત્રણ ફાયરિંગ કર્યા જેમાંથી નવ ગોળીઓ નીકળી અને દિશાના ઘરની દિવાલ પર વાગી હતી.

જોકે, દિવાલ પર નવથી વધુ નિશાન દેખાય છે. એવું કહેવામાં આવી રહ્યું છે કે દિવાલ પર વાગ્યા પછી, ગોળીઓ ઘણી જગ્યાએ દિવાલને નુકસાન પહોંચાડી છે. સ્થાનિક લોકોમાં પણ ગભરાટનો માહોલ છે. પોલીસના જણાવ્યા અનુસાર, ગોળીબારના અવાજને કારણે તેના ઘરમાં રહેલા કૂતરાઓ ભસવા લાગ્યા હતા.

જ્યારે પરિવારના સભ્યો જાગી ગયા, ત્યારે તેને ગોળીબારનો અવાજ સંભળાયો હતો. જ્યારે તેઓ બહાર આવ્યા અને જોયું તો બે અસામાજિક તત્વો બાઇક પર ભાગી રહ્યા હતા. આ પછી તેઓએ કોતવાલી પોલીસને જાણ કરી અને ફોર્સ ઘટનાસ્થળે પહોંચી ગઈ હતી. જ્યારે CCTV ફૂટેજ તપાસવામાં આવ્યું ત્યારે બે અસામાજિક તત્વો ફાયરિંગ કરતા જોવા મળ્યા હતાં. 

બાઈક પર પાછળ બેઠેલા શખ્સે ફાયરિંગ કર્યું હતું. પોલીસે CCTV ફૂટેજ તપાસ્યા ત્યારે જાણવા મળ્યું કે અસામાજિક તત્વો બરેલીથી નહીં પણ કોઈ અન્ય જગ્યાએથી આવ્યા હતા. ફાયરિંગ માટે અસામાજિક તત્વો જે પિસ્તોલનો ઉપયોગ કર્યો હતો તે પણ ભારતની હોય તેવું લાગતું નથી. ત્યારે ઘટના અંગે પોલીસ તપાસ ચાલુ છે અને તપાસના આધારે સમગ્ર મામલો બહાર આવશે.