Job: ભારતીય રેલવેમાં 22,000 લેવલ-1 પદો પર ભરતી, આ તારીખથી ભરી શકાશે ફોર્મ

ભારતીય રેલવે ફરી એકવાર દેશનું સૌથી મોટું ભરતી અભિયાન ચલાવવા જઈ રહ્યું છે. રેલવે ભરતી બોર્ડ (RRB) એ જાહેરનામા ક્રમાંક CEN 09/2025 હેઠળ કુલ 22,000 લેવલ-1 પદોની જાહેરાત કરી છે. આ ભરતી દ્વારા પોઈન્ટ્સમેન, આસિસ્ટન્ટ, ટ્રેક મેન્ટેનર (ગ્રેડ IV) અને વિવિધ ટેકનિકલ વિભાગો (એન્જિનિયરિંગ, ઇલેક્ટ્રિકલ, મિકેનિકલ) માં નિમણૂક કરવામાં આવશે.

આ પણ વાંચો :

JOB / DRDOમાં નોકરી મેળવવાની મોટી તક, 700થી વધુ જગ્યાઓ પર થશે ભરતી; આ તારીખથી કરો અરજી

BANK JOB / બેંક ઓફ ઈન્ડિયામાં 514 જગ્યાઓ માટે શરૂ થઈ અરજી પ્રક્રિયા, સેલેરી 1 લાખથી વધુ

મહત્ત્વની તારીખો

આ પણ વાંચો :

JOB / IOCLમાં જુનિયર એન્જિનિયરની જગ્યા માટે નીકળી ભરતી, આ તારીખ સુધીમાં કરી લો અરજી

JOB / BSFમાં નીકળી બમ્પર ભરતી, 10 પાસ ઉમેદવારો માટે છે સુવર્ણ તક; અહીં જાણો વિગતો

રેલવેએ ભરતીનું સંપૂર્ણ કેલેન્ડર સ્પષ્ટ કરી દીધું છે, જેથી ઉમેદવારો પોતાની તૈયારી અગાઉથી શરૂ કરી શકે:

ટૂંકું નોટિફિકેશન (Short Notification): 23 ડિસેમ્બર 2025
વિગતવાર નોટિફિકેશન: 20 જાન્યુઆરી 2026
ઓનલાઇન અરજી શરૂ થવાની તારીખ: 21 જાન્યુઆરી 2026
અરજી કરવાની છેલ્લી તારીખ: 20 ફેબ્રુઆરી 2026 (રાત્રે 11:59 વાગ્યા સુધી)

શૈક્ષણિક લાયકાત

ઉમેદવાર કોઈપણ માન્ય બોર્ડમાંથી ધોરણ 10 (મેટ્રિક) પાસ હોવો અનિવાર્ય છે. જે ઉમેદવારો પાસે ITI પ્રમાણપત્ર અથવા નેશનલ એપ્રેન્ટિસશિપ સર્ટિફિકેટ (NAC) છે, તેમને ટેકનિકલ પદો માટે અગ્રતા આપવામાં આવી શકે છે.

વય મર્યાદા

1 જાન્યુઆરી 2026 સુધીમાં ઉમેદવારની વય 18 થી 33 વર્ષની વચ્ચે હોવી જોઈએ. જોકે, અનામત કેટેગરીના ઉમેદવારોને સરકારી નિયમો મુજબ છૂટછાટ આપવામાં આવશે (OBC ને 3 વર્ષ અને SC/ST ને 5 વર્ષ).

પસંદગી પ્રક્રિયા

રેલવેએ પસંદગી માટે પારદર્શક અને બહુ-સ્તરીય પ્રક્રિયા નક્કી કરી છે:

1. કોમ્પ્યુટર આધારિત ટેસ્ટ (CBT): જેમાં સામાન્ય વિજ્ઞાન, ગણિત, રીઝનિંગ અને જનરલ અવેરનેસને લગતા 100 પ્રશ્નો પૂછવામાં આવશે.
2. શારીરિક કાર્યક્ષમતા કસોટી (PET): CBT પાસ કરનાર ઉમેદવારોએ શારીરિક કસોટી આપવી પડશે (જેમ કે પુરુષો માટે 35 કિલો વજન ઉપાડીને દોડવું અને 1000 મીટરની દોડ પૂર્ણ કરવી).
3. ડોક્યુમેન્ટ વેરિફિકેશન અને મેડિકલ ટેસ્ટ:  અંતે સફળ ઉમેદવારોના દસ્તાવેજોની તપાસ અને સ્વાસ્થ્ય પરીક્ષણ કરવામાં આવશે.

પગાર અને ભથ્થા

પસંદગી પામેલા ઉમેદવારોને 7મા પગાર પંચના પે-મેટ્રિક્સના લેવલ-1 મુજબ પગાર મળશે. શરૂઆતનો મૂળ પગાર રૂ. 18,000 હશે, જેમાં મોંઘવારી ભથ્થું (DA), ઘર ભાડું ભથ્થું (HRA) અને અન્ય રેલવે સુવિધાઓ ઉમેરવામાં આવશે.

કેવી રીતે અરજી કરવી?

અરજી કરવાની પ્રક્રિયા સંપૂર્ણપણે ઓનલાઇન રહેશે. ઉમેદવારોએ www.rrbapply.gov.in પર જઈને રજીસ્ટ્રેશન કરવાનું રહેશે.

અરજી ફી: સામાન્ય અને OBC ઉમેદવારો માટે રૂ. 500 (જેમાંથી રૂ. 400 CBT માં હાજર રહ્યા બાદ પરત કરવામાં આવશે).

SC/ST, મહિલાઓ અને દિવ્યાંગો માટે ફી રૂ. 250 છે.