NEET UG 2026 માટે શરૂ થઈ અરજી પ્રક્રિયા, લાઈવ ફોટો કેપ્ચર સહિત થયા આ મોટા ફેરફારો

નેશનલ ટેસ્ટિંગ એજન્સીએ NEET UG 2026 માટે અરજી પ્રક્રિયા શરૂ કરી દીધી છે. રસ ધરાવતા અને લાયક ઉમેદવારો સત્તાવાર વેબસાઈટની મુલાકાત લઈને અરજી કરી શકે છે. અરજી કરવાની છેલ્લી તારીખ 8 માર્ચ, 2026 છે. રસ ધરાવતા ઉમેદવારોએ આ તારીખે અથવા તે પહેલા અરજી કરી લેવી જોઈએ. આ વર્ષે નવા અરજી નિયમો લાગુ કરવામાં આવ્યા છે, જે ઉમેદવારોએ અરજી કરતી વખતે ધ્યાનમાં રાખવા જોઈએ. 

ફેરફારો

NTA એ આવશ્યક સુરક્ષા સુવિધાઓ સાથે રજીસ્ટ્રેશન પ્રક્રિયા અપડેટ કરી છે.

આધાર eKYC: હવે ઓળખ વેરિફિકેશન માટે જરૂરી છે. 

લાઈવ ફોટો: સબમિશન દરમિયાન તમારે લાઈવ ફોટો કેપ્ચર કરવો પડશે, જેની સરખામણી તમારા આધાર ફોટો સાથે કરવામાં આવશે.

શહેર પસંદગી: હવે પરીક્ષા કેન્દ્રો તમારા કાયમી/વર્તમાન સરનામાના આધારે સોંપવામાં આવશે.

અરજી કેવી રીતે કરવી?

• સૌપ્રથમ સત્તાવાર વેબસાઈટની મુલાકાત લો.
• ત્યારબાદ તેમાં હોમપેજ પર સંબંધિત લિંક પર ક્લિક કરો.
• આ પછી રજીસ્ટ્રેશન કરી લો.
• ત્યારબાદ અરજી ફોર્મ ભરો.
• આ પછી અરજી ફી ભરીને ફોર્મ સબમિટ કરો.
• ભવિષ્યના સંદર્ભ માટે ફોર્મની પ્રિન્ટ કાઢી લો.

અરજી ફી

જનરલ કેટેગરીના ઉમેદવારોએ 1700 રૂપિયાની અરજી ફી ચૂકવવાની રહેશે. EWS/OBC-NCL કેટેગરીના ઉમેદવારોએ 1600 રૂપિયા ચૂકવવાના રહેશે. SC, ST, PwBD અને થર્ડ જેન્ડરના ઉમેદવારોએ 1000 રૂપિયા ચૂકવવાના રહેશે. વિદેશી ઉમેદવારો માટે અરજી ફી 9500 રૂપિયા છે.