VIDEO: ગ્લોબલ માર્કેટમાં ખળભળાટ: અમેરિકા-ઈરાન તણાવ વચ્ચે સોના-ચાંદીના ભાવમાં મોટો ઘટાડો, સેન્સેક્સ-નિફ્ટીમાં પણ કડાકો

Silver and Gold Price and Stock Market News : અમેરિકા અને ઈરાન વચ્ચે ફરી એકવાર યુદ્ધના ભણકારા વાગ્યા અને બંને દેશોની સેનાએ એકબીજાને નિશાન બનાવતા દુનિયાના ધબકારાં વધારી દીધા હતા. જેના લીધે દુનિયાભરના શેરબજારોમાં ફરી એકવાર ચિંતાનો માહોલ વ્યાપી ગયો.

આ પણ વાંચો :

જૂન મહિનો કોરો ધાકોર: ગ્લોબલ વોર્મિંગ વચ્ચે દેશમાં સામાન્ય કરતાં ઓછો વરસાદ પડવાનો અંદાજ

ગ્લોબલ માર્કેટના સથવારે બજારમાં તેજીનો માહોલ; સળંગ ત્રીજા દિવસે વધારા સાથે સેન્સેક્સ 77,700 અને નિફ્ટી 24,270ને પાર

સેન્સેક્સ-નિફ્ટીમાં કડાકો

સેન્સેક્સ અને નિફ્ટીની વાત કરીએ તો જે ગઈકાલે 78,180.72 પર બંધ થયું હતું તે આજે સીધું 77,816.45 પોઈન્ટ પર ખુલ્યું હતું અને તેમાં કડાકાનો દોર યથાવત્ રહેતા 77,555.52 ની નીચલી સપાટીએ પહોંચી ગયું હતું. આજે સેન્સેક્સમાં કુલ 625 પોઇન્ટનો કડાકો બોલાઈ ગયો હતો. જ્યારે નિફ્ટીની વાત કરીએ તો જે ગઈકાલે 24,398.70 પર બંધ થયો હતો તે આજે 24,259.55 પર ખુલ્યો હતો. પછી તેમાં કડાકાનો દોર યથાવત્ રહેતા 24,207.20 પોઇન્ટ પર પહોંચી ગયો હતો. એટલે કે નિફ્ટીમાં કુલ 191 પોઇન્ટનો કડાકો બોલાઈ ગયો હતો.

આ પણ વાંચો :

VIDEO: ગુજરાત બનશે ગ્લોબલ સેમિકન્ડક્ટર હબ: સાણંદમાં દેશના ત્રીજા પ્લાન્ટનું PM મોદીએ કર્યું ઉદ્ઘાટન!

FBIની મોટી કાર્યવાહી: લોરેન્સ બિશનોઈ ગેંગના ગ્લોબલ નેટવર્ક પર ત્રાટકી અમેરિકન એજન્સી, 50 ઠેકાણા પર દરોડા, 24ની ધરપકડ

સોના-ચાંદીના શું છે હાલ?

ચાંદી જે ગઈકાલે 230827 રૂપિયા પર ક્લૉઝ થઈ હતી તે આજે 228925 ના લેવલે પહોંચી ગઇ હતી. વાયદા બજારમાં ચાંદીમાં આજે કુલ 1932 રૂપિયાનો કડાકો બોલાઈ ગયો હતો. જ્યારે સોનાની વાત કરીએ તો જે સોનુ ગઇકાલે 145932 ના લેવલે ક્લૉઝ થયુ હતું તે આજે 144750 રૂપિયાના લેવલે પહોંચી ગયું હતું. એટલે કે સોનું 1182 રૂપિયા તૂટ્યું હતું.

ક્રૂડ ઓઈલમાં ભડકો

અમેરિકા અને ઈરાન વચ્ચે ફરી એકવાર સામે સામે હુમલા શરૂ થતાની સાથે જ ક્રૂડ ઓઈલ બજારમાં અસ્થિરતા સર્જાઈ અને ફરી એકવાર બ્રેન્ટ ક્રૂડના ભાવમાં ભડકો બોલાયો અને તે 76.12 ડૉલરની સપાટીને વટાવી ગયો. આ પહેલા બ્રેન્ટ ક્રૂડ 70 થી 72 ડૉલરની આસપાસ ટ્રેડ થઇ રહ્યો હતો.