આ રવિવારે પણ ખુલ્લી રહેશે બેંકો: સરકારે કેમ લીધો અચાનક આ મોટો નિર્ણય?
છેલ્લું અપડેટ : 23 Sept 2026
સામાન્ય રીતે રવિવારે સાપ્તાહિક રજાને કારણે બેંકો બંધ રહેતી હોય છે, પરંતુ આ વખતે સ્થિતિ અલગ રહેશે. વાસ્તવમાં, 28 થી 30 સપ્ટેમ્બર દરમિયાન ત્રણ દિવસીય દેશવ્યાપી હડતાળને ધ્યાનમાં રાખીને આ રવિવારે બેંકો ખુલ્લી રહેશે. બેંકિંગ સેવાઓમાં થતી અડચણને ઘટાડવા માટે સરકારે આ પગલું લીધું છે, જેના પગલે 27 સપ્ટેમ્બર, રવિવારના રોજ તમામ સરકારી બેંકો અને પ્રાદેશિક ગ્રામીણ બેંકો ખુલ્લી રહેશે અને સામાન્ય રીતે કાર્યરત રહેશે.
નાણા મંત્રાલયનું નિવેદન
નાણા મંત્રાલયે 23 સપ્ટેમ્બરે એક નિવેદનમાં જણાવ્યું હતું કે યુનાઈટેડ ફોરમ ઓફ બેંક યુનિયન્સ (UFBU) ની પ્રસ્તાવિત હડતાળ 26 અને 27 સપ્ટેમ્બરના વીકેન્ડ પછી થઈ રહી છે, જેનાથી ગ્રાહકોને લાંબા સમય સુધી મુશ્કેલી પડી શકતી હતી. મંત્રાલયે કહ્યું, "સામાન્ય લોકોની બેંકિંગ સાથે જોડાયેલી જરૂરી જરૂરિયાતો લાંબા સમય સુધી પ્રભાવિત ન થાય એટલા માટે તમામ પબ્લિક સેક્ટર બેંક અને રીજનલ રૂરલ બેંક રવિવાર, 27 સપ્ટેમ્બર, 2026 ના રોજ સામાન્ય રીતે કામકાજ કરશે."
