પૈસા છાપવાનું મશીન બન્યો આ મલ્ટિબેગર સ્ટોક, 5 વર્ષમાં 1 લાખના કર્યા 1 કરોડ, રોકાણકારો બન્યા કરોડપતિ!
છેલ્લું અપડેટ : 22 Jun 2026
શેરબજારમાં સોમવારે તેજી જોવા મળી હતી. સેન્સેક્સ અને નિફ્ટી 50 માં સારો ઉછાળો રહ્યો હતો. આ તેજી છતાં પણ કેટલાક શેરોમાં ઘટાડો જોવા મળ્યો હતો. આ શેરોમાંનો એક શેર લોયડ્સ મેટલ્સ એન્ડ એનર્જી લિમિટેડ (Lloyds Metals And Energy Ltd) નો છે. આ શેરમાં સોમવારે ભલે ઘટાડો નોંધાયો હોય, પરંતુ લોન્ગ ટર્મમાં આ શેર પૈસા છાપવાનું મશીન સાબિત થયો છે. તેણે રોકાણકારોના એક લાખ રૂપિયાને એક કરોડ રૂપિયાથી વધુમાં બદલી નાખ્યા છે. એટલે કે, આ મલ્ટિબેગર શેરે રોકાણકારોને કરોડપતિ બનાવી દીધા છે.
સોમવારે બપોરે 1 વાગ્યે લોયડ્સ મેટલ્સ એન્ડ એનર્જી લિમિટેડનો શેર 0.59% ના ઘટાડા સાથે 1757.25 રૂપિયા પર કારોબાર કરી રહ્યો હતો. છેલ્લા એક મહિનામાં આ શેરમાં ભારે ઉતાર-ચઢાવ જોવા મળ્યો છે. જોકે, તેમ છતાં તેણે એક મહિનામાં રોકાણકારોને 2 ટકાથી વધુ રિટર્ન આપ્યું છે.
2026માં જબરદસ્ત તેજી
આ શેરમાં આ વર્ષે જબરદસ્ત તેજી આવી છે. 1 જાન્યુઆરી 2026 થી લઈને અત્યાર સુધીના આ 6 મહિનામાં આ શેર આશરે 30 ટકા જેટલો વઘ્યો છે. જ્યારે એક વર્ષની વાત કરીએ તો રિટર્ન 6 મહિનાની સરખામણીએ ઓછું રહ્યું છે. એક વર્ષમાં આ શેરમાં 17 ટકાની તેજી આવી છે.
5 વર્ષમાં 3900% રિટર્ન
હવે જો 5 વર્ષ કે તેથી વધુ સમયની વાત કરીએ તો, આ શેર રોકાણકારો માટે પૈસા છાપવાનું મશીન બની ગયો છે. 5 વર્ષમાં આ શેરે 3900 ટકાથી વધુ રિટર્ન આપ્યું છે. એટલે કે આ 5 વર્ષમાં તેણે રોકાણકારોના એક લાખ રૂપિયાને 40 લાખ રૂપિયામાં ફેરવી દીધા છે.
કેટલા સમયમાં બનાવ્યા કરોડપતિ?
આ શેરે રોકાણકારોને કરોડપતિ બનાવવામાં પણ બહુ સમય લીધો નથી. માત્ર 5 વર્ષ અને એક મહિનામાં તેણે રોકાણકારોને કરોડપતિ બનાવી દીધા છે. એટલે કે આટલા સમયમાં તેણે એક લાખ રૂપિયાની રકમને આશરે એક કરોડ રૂપિયામાં બદલી નાખી છે.
જો તમે એપ્રિલ 2021 ના અંતમાં અથવા મે 2021 ની શરૂઆતમાં આ શેરમાં એક લાખ રૂપિયાનું રોકાણ કર્યું હોત, તો તે રકમ વધીને અત્યારે એક કરોડ રૂપિયાથી વધુ થઈ ગઈ હોત. એટલે કે તમે કરોડપતિ બની ગયા હોત. નવેમ્બર 2020 માં આ શેરની કિંમત 10 રૂપિયાથી પણ ઓછી હતી.
ડિસ્ક્લેમર: આ વિશ્લેષણમાં આપવામાં આવેલા સૂચનો વ્યક્તિગત વિશ્લેષકો અથવા બ્રોકિંગ કંપનીઓના છે, GSTVના નહીં. અમે રોકાણકારોને સલાહ આપીએ છીએ કે કોઈપણ રોકાણનો નિર્ણય લેતા પહેલા પ્રમાણિત નિષ્ણાતોની સલાહ ચોક્કસ લો, કારણ કે શેરબજારની પરિસ્થિતિઓ ઝડપથી બદલાઈ શકે છે.
