શેરબજારમાં હાહાકાર: સેન્સેક્સ 261 પોઈન્ટ તૂટ્યો, નિફ્ટી 25,000ની નીચે સરક્યો; રોકાણકારોના 2 લાખ કરોડ સ્વાહા

Stock market panic: એશિયન બજારોના નબળા સેન્ટિમેન્ટ વચ્ચે બુધવારે (21 જાન્યુઆરી) ભારતીય શેરબજાર સતત ત્રીજા ટ્રેડિંગ સત્રમાં લાલ નિશાનમાં બંધ થયા. જાહેર અને ખાનગી બેંકિંગ શેરોમાં વેચવાલીથી બજાર નીચે આવ્યું.  દરમિયાન, ગ્રીનલેન્ડ અંગે અમેરિકા અને યુરોપ વચ્ચેના તણાવને કારણે રોકાણકારોની ચિંતા વધી છે, જેના કારણે રોકાણકારોના સેન્ટિમેન્ટ પર નકારાત્મક અસર પડી છે.

30 શેરો ધરાવતો બીએસઇ સેન્સેક્સ 81,794 ના સ્તરે તીવ્ર ઘટાડા સાથે ખુલ્યો. ખુલતા જ શેરમાં નોંધપાત્ર અસ્થિરતા જોવા મળી, ટ્રેડિંગ દરમિયાન તે 700 પોઈન્ટ જેટલો ઘટી ગયો. અંતે તે 261.41 પોઈન્ટ અથવા 0.32 ટકા ઘટીને 81,919.06 પર ટ્રેડ થયો. બીજા રીતે જોવા જઈએ તો આજે સેન્સેક્સ તેની ઉપલી સપાટએથી 500 પોઈન્ટ તૂટ્યો હતો

એ જ રીતે, નેશનલ સ્ટોક એક્સચેન્જ (એનએસઈ)નો નિફ્ટી 50 25,141 પર ખુલ્યો. ટ્રેડિંગ દરમિયાન તે 25,500ની નીચે સરકી ગયો. અંતે તે 75 પોઈન્ટ અથવા 0.30 ટકા ઘટીને 25,157 પર બંધ થયો. ચાર મહિનાથી વધુ સમયમાં નિફ્ટી પહેલી વાર 25,000ના સ્તરથી નીચે સરકી ગયો. શરૂઆતના ઘટાડા પછી બજારમાં ઝડપથી સુધારો થયો અને ઇન્ડેક્સ લીલા નિશાનમાં આવ્યો, પણ બજારમાં ફરીથી વેચવાલી હાવી થઈ ગઈ હતી..

આ સમયગાળા દરમિયાન, બીએસઈ પર લિસ્ટેડ કંપનીઓનું માર્કેટ કેપ પાછલા સત્રમાં રૂ. 456 લાખ કરોડથી ઘટીને રૂ. 454 લાખ કરોડ થયું, જેના કારણે રોકાણકારોને એક જ સત્રમાં રૂ. 2 લાખ કરોડનું નુકસાન થયું.

જિયોજિત ઈન્વેસ્ટમેન્ટ્સના રીસર્ચ વિભાગના પ્રમુખ વિનોદ નાયરે જણાવ્યું હતું કે, "વૈશ્વિક જોખમ પરિબળોને કારણે સ્થાનિક શેરબજારોમાં તીવ્ર અસ્થિરતા જોવા મળી. આનાથી રોકાણકારોની ભાવના દબાણમાં રહી. જોકે, ટ્રેડિંગ સત્રના અંતમાં વેલ્યુ બાઇંગએ શરૂઆતના કેટલાક નુકસાનને કેટલાક અંશે સરભર કરવામાં મદદ કરી."

આ પડકારજનક વાતાવરણમાં, બેંકિંગ અને ઈન્ફર્મેશન ટેકનોલૉજી ક્ષેત્રોના નબળા ત્રિમાસિક પરિણામો પણ શેરબજાર પર વધારાનું દબાણ લાવી રહ્યા છે.

તેમણે જણાવ્યું હતું કે, રૂપિયામાં નરમાઇ અને  વ્યાપારી સંબંધોને લઇને અનિશ્ચિતતા આગળ ઉપર પણ રહેશે. તેમ છતાં, પરિણામોનો વર્તમાન રાઉન્ડ પસંદગીના શેરોમાં રોકાણની તકો ઊભી કરી શકે છે અને મજબૂત સ્થાનિક માંગને કારણે આગામી ટ્રેડિંગ સત્ર વધુ સારું રહેવાની અપેક્ષા છે.

ટોપ ગેનર્સ અને લૂઝર્સ 
સેન્સેક્સની કંપનીઓમાં આઈસીઆઈસીઆઇ બેન્ક, ટ્રેન્ટ, ભારત ઇલેક્ટ્રોનિક્સ, એક્સિસ બેંક અને લાર્સન એન્ડ ટુબ્રો સૌથી વધુ ઘટેલા શેરોમાં હતા. તેનાથી વિપરીત, ઇટરનલ, અલ્ટ્રાટેક સિમેન્ટ, રિલાયન્સ ઈન્ડસ્ટ્રીઝ અને ઈન્ડિગો સૌથી વધુ ફાયદામાં હતા. વ્યાપક બજારમાં, મિડકેપ ઇન્ડેક્સ 1.14 ટકા ઘટ્યો, જ્યારે સ્મોલકેપ ઈન્ડેક્સ 0.9 ટકા ઘટ્યો. આ પછી, અલ્ટ્રાટેક સિમેન્ટ્સ 1.43 ટકા, ઈન્ટરગ્લોબલ 1.41 ટકા, જેએસડબલ્યુ સ્ટીલ 1.26 ટકા અને હિન્ડાલ્કો 1.20 ટકા વધ્યા.

નિફ્ટી 50 કંપનીઓમાં, સૌથી વધુ વધારો એટરનલમાં જોવા મળ્યો, જેમાં ૫.૧૬ ટકાનો વધારો જોવા મળ્યો. આ પછી, અલ્ટ્રાટેક સિમેન્ટ્સ 1.43 ટકા, ઈન્ટરગ્લોબલ 1.41 ટકા, જેએસડબલ્યુ સ્ટીલ 1.26 ટકા અને હિન્ડાલ્કો 1.20 ટકા વધ્યા.

નિફ્ટી 50 કંપનીઓમાં, આઇસીઆઇસીઆઇ બેંકને સૌથી વધુ નુકસાન થયું, જેમાં 1.95 ટકાનો ઘટાડો થયો. આ પછી, ટ્રેન્ટ 1.87 ટકા, ટાટા કન્ઝ્યુમર 1.81 ટકા, ભારત ઈલેક્ટ્રોનિક્સ 1.64 ટકા, એપોલો હોસ્પિટલ 1.25 ટકા ઘટ્યા.

સેક્ટરલ ઈન્ડેક્સની વાત કરવામાં આવે તો, કેમિકલ ઇન્ડેક્સ સૌથી વધુ ઘટ્યો, જેમાં 2.12 ટકાનો ઘટાડો થયો. આ પછી, કન્ઝ્યુમર ડ્યુરેબલ્સ ઇન્ડેક્સ 1.66 ટકા ઘટીને બંધ થયો, અને બેંકિંગ ઇન્ડેક્સ 1.02 ટકા ઘટ્યો. બીજી તરફ, મેટલ્સ ઇન્ડેક્સ 0.57 ટકા અને ઓઈલ અને ગૅસ ઈન્ડેક્સ 0.27 ટકા વધ્યો.

વૈશ્વિક બજારો
એશિયાના શેરબજારમાં બુધવારે ઘટાડો નોંધાયો હતો. ગ્રીનલેન્ડ અંગે યુરોપિયન દેશોને અમેરિકન રાષ્ટ્રપતિની ધમકીને કારણે આ સ્થિતિ સર્જાઈ છે. જાપાનનો નિક્કી ઇન્ડેક્સ 0.35 ટકા ઘટ્યો હતો. બુધવારે બોન્ડ માર્કેટમાં ભારે વેચવાલી બાદ બુધવારે થોડો સુધારો જોવા મળ્યો હતો.

ટ્રમ્પે ગ્રીનલેન્ડ હસ્તગત કરવાની તેમની યોજનાનો વિરોધ કરનારા આઠ યુરોપિયન દેશો પર 1 ફેબ્રુઆરીથી લાગુ પડેલા 10 ટકા ટેરિફ લાદ્યા છે અને જૂનમાં તેને 25 ટકા સુધી વધારી દીધા છે.

ગયા એપ્રિલમાં થયેલા ભારે ઘટાડા પછી વોલ સ્ટ્રીટ પર શેરબજારનો દિવસ સૌથી ખરાબ રહ્યો. બજારની અસ્થિરતા નવેમ્બર પછીના ઉચ્ચતમ સ્તરે પહોંચી ગઈ. S&P 500 અને નાસ્ડેક ઇન્ડેક્સ બંને 2 ટકાથી વધુ ઘટીને બંધ થયા.

આ સપ્તાહે દુનિયાની નજર દાવોસમાં થઇ રહેલા વર્લ્ડ વઇકોનોમિક ફોરમની બેઠક પર છે. અહીં, વૈશ્વિક નેતાઓ ખુલ્લેઆમ યુનાઇટેડ સ્ટેટ્સ વિરુદ્ધ બોલી રહ્યા છે. કેનેડાના વડા પ્રધાન માર્ક કાર્નેએ એક મુખ્ય ભાષણમાં કહ્યું કે "નિયમો-આધારિત આંતરરાષ્ટ્રીય વ્યવસ્થા" હવે વર્ચ્યુઅલ રીતે નિષ્ક્રિય થઈ ગઈ છે.

ડોલર સામે રૂપિયો ૩૧ પૈસા ઘટીને 91.28ના ઓલટાઈમ નીચલા સ્તરે પહોંચ્યો. ડોલરની સતત માંગ, ભૂ-રાજકીય અનિશ્ચિતતા અને વિદેશી મૂડીના પ્રવાહને કારણે ઉભરતા બજારના ચલણો દબાણ હેઠળ રહ્યા.

મંગળવારે વિદેશી સંસ્થાકીય રોકાણકારો (એફઆઈઆઈ)એ ₹2,938.33 કરોડના શેર વેચ્યા. જાન્યુઆરીમાં આ સતત 11મું સત્ર હતું જ્યારે એફઆઈઆઈ ચોખ્ખા વેચાણકર્તા હતા. આ મહિનાની 2જી જાન્યુઆરીએ જ એફઆઇઆઇ ચોખ્ખા લેવાલ હતા.

બજારની અસ્થિરતાનું માપદંડ, ભારત VIX, લગભગ 4% વધીને 13.22 પર પહોંચ્યો. VIX માં વધારો સામાન્ય રીતે રોકાણકારોમાં વધતી જતી અનિશ્ચિતતા અને જોખમ ટાળવાનું પ્રતિબિંબ પાડે છે.

બેંકિંગ શેરોમાં ભારે દબાણ હતું. બેંક નિફ્ટી લગભગ 1.5% ઘટ્યો હતો, જ્યારે એચડીએફસી બેંક લિમિટેડ, પંજાબ નેશનલ બેંક અને સ્ટેટ બેંક ઓફ ઈન્ડિયા સહિત મુખ્ય બેંક શેરોમાં 2% સુધીનો ઘટાડો થયો હતો.