સ્પેશિયલ ટ્રેડિંગ સેશનમાં સેન્સેક્સ અને નિફ્ટી લીલા નિશાન સાથે બંધ રહ્યા

શનિવારે શેરબજારના સ્પેશિયલ ટ્રેડિંગ સેશનમાં ભારતીય શેરબજારો લીલા નિશાનમાં બંધ રહ્યા હતાં. વર્તમાન લોકસભા ચૂંટણીમાં ઓછા મતદાનને કારણે શેરબજાર પરેશાન છે અને ઉતાર-ચઢાવનો સામનો કરી રહ્યું છે. શેરબજારને આશંકા છે કે જો વડાપ્રધાન નરેન્દ્ર મોદીની સરકાર પરત નહીં આવે તો નવી સરકારને હાલની નીતિઓ ચાલુ રાખવામાં મુશ્કેલીનો સામનો કરવો પડી રહ્યો છે અને તેના કારણે માર્કેટમાં ઉતાર-ચઢાવનો સામનો કરવો પડી રહ્યો છે શનિવારે તે 73,959 પોઈન્ટના સ્તરે બંધ થયો હતો.

આજના  ટોપ ગેઇનર્સ અને લૂઝર્સ

માર્કેટના સ્પેશિયલ ટ્રેડિંગ સેશનમાં એટલે કે શનિવારના રોજ શેરબજારના કામકાજમાં તેજીની વચ્ચે ભારત, પાવર ગ્રીડ, ટાટા મોટર્સ, હિન્દાલ્કો, ઓએનજીસી, ડીવીએસ લેબ અને ટીસીએસના શેરમાં ઉછાળો જોવા મળ્યો હતો. શેરબજારના કામકાજમાં તેજી વચ્ચે જેએસડબલ્યુ સ્ટીલ, મહીન્દ્રા એન્ડ મહીન્દ્રા, મારુતિ સુઝુકી, અલ્ટ્રાટેક સિમેન્ટ અને એચડીએફસી લાઇફના શેરમાં નબળાઈ નોંધાઈ હતી. બાલકૃષ્ણ ઇન્ડ, હિન્દુસ્તાન ઝિંક, ભારત ડાયનેમિક, કેન્ડેલા હીથકેર કોકિન શિપયાર્ડ, એચએએલ, બીઈએલના શેર 52 સપ્તાહની ટોચે પહોંચી ગયા છે. નિફ્ટી ઈન્ડેક્સની વાત કરીએ તો તમામ સેક્ટરલ ઈન્ડેક્સ લીલા નિશાનમાં બંધ થયા છે.

વિશેષ સત્ર યોજાયું હતું

શનિવારે, બીએસઇ અને એનએસઇની સાથે સેબીના ઈન્ફ્રા સાથે અનુપાલન માટે સ્ટોક એક્સચેન્જો માટે બિઝનેસ કન્ટિન્યુટી પ્લાન (બીસીપી) અને ડિઝાસ્ટર રિકવરી સાઈટ (ડીઆરએસ) ખોલવામાં આવી છે.

એનએસઇ એ તેના પરિપત્રમાં જણાવ્યું હતું કે, “સભ્યોને નોંધ લેવા વિનંતી કરવામાં આવે છે કે એક્સચેન્જ 18 મે, 2024 શનિવારના રોજ ઇક્વિટી અને ઇક્વિટી ડેરિવેટિવ્ઝમાં એક ખાસ લાઇવ ટ્રેડિંગ સત્રનું આયોજન કરશે જેમાં પ્રાથમિક સાઇટથી ડિઝાસ્ટર રિકવરી સાઇટ પર ઇન્ટ્રા-ડે સ્વિચ કરવામાં આવશે. આ સ્પેશિયલ ટ્રેડિંગ સેશનને બે સેગમેન્ટમાં વિભાજિત કરવામાં આવશે અને પ્રથમ સત્ર સવારે 9:15 વાગ્યે શરૂ થશે અને 11:45 વાગ્યે ડિઝાસ્ટર મેનેજમેન્ટ સાઇટથી શરૂ થશે અને તે 12:40 વાગ્યે સમાપ્ત થશે.