નીતા અંબાણીએ બાળકો અને મહિલાઓને આપ્યા સારા સમાચાર, બાળકો અને કિશોરો સહિત મહિલાઓને મળશે મફતમાં સારવાર

રિલાયન્સ ફાઉન્ડેશનના 10 વર્ષ પૂર્ણ થયાની ઉજવણી નિમિત્તે રિલાયન્સ ફાઉન્ડેશનના ચેરપર્સન નીતા અંબાણી દ્વારા એક મોટી સામાજિક પહેલ કરવામાં આવી રહી છે. આ અંતર્ગત બાળકો, કિશોરીઓ અને મહિલાઓને સ્વાસ્થ્ય સંબંધિત ઘણી સુવિધાઓ મફતમાં આપવામાં આવશે. સર એચએન રિલાયન્સ ફાઉન્ડેશન હોસ્પિટલના 10 વર્ષ પૂર્ણ થવાના અવસર પર નીતા અંબાણીએ 1 લાખથી વધુ મહિલાઓને મફત સારવાર આપવાની જાહેરાત કરી છે.

નીતા અંબાણીનો નવો પ્રોજેક્ટ

ચેરપર્સન નીતા અંબાણીએ સર  એચ.એન.રિલાયન્સ ફાઉન્ડેશન હોસ્પિટલની 10મી વર્ષગાંઠની ઉજવણીમાં ઘણી આરોગ્ય સુવિધાઓની જાહેરાત કરી છે. નીતા અંબાણીએ જન્મજાત હૃદય રોગથી પીડિત 50,000 બાળકોને મફત સારવાર આપવાની જાહેરાત કરી છે. આ સાથે 50,000 મહિલાઓને સ્તન અને સર્વાઇકલ કેન્સરની મફત તપાસ અને સારવાર પણ આપવામાં આવશે. આ ઉપરાંત, નીતા અંબાણીના આ પ્રોજેક્ટમાં, 10,000 યુવા કિશોરીઓને મફત સર્વાઇકલ કેન્સર રસીકરણ ઉપલબ્ધ થશે.

નીતા અંબાણીએ જણાવ્યું હતું કે, "અમે સાથે મળીને વિશ્વ-સ્તરીય આરોગ્યસંભાળ, અદ્યતન સારવારો અને આરોગ્યસંભાળ પહેલો સાથે રિલાયન્સ ફાઉન્ડેશનના દાયકાની ઉજવણી કરીએ છીએ કારણ કે અમે ભારત માટે સ્વસ્થ, ઉજ્જવળ ભવિષ્ય બનાવવાનો પ્રયાસ કરીએ છીએ."  10 વર્ષથી, સર એચએન રિલાયન્સ ફાઉન્ડેશન હોસ્પિટલને વર્લ્ડ ક્લાસ બનાવવાના અમારા ધ્યેય સાથે આગળ ધપી રહ્યું છે. અમે સાથે મળીને લાખો લોકોના જીવનમાં સુધારો કર્યો છે અને અસંખ્ય પરિવારોને આશા આપી છે."