RIL AGM 2025: AI ચશ્મા Jio ફ્રેમ્સ લોન્ચ, Meta Ray-Ban ને સીધો પડકાર! સર્ચ આસિસ્ટન્ટ RIYA પણ રજૂ કરી
રિલાયન્સે તેની 48મી એજીએમમાં ઘણી ટેકનોલોજી નવીનતાઓ રજૂ કરી છે. જેમાંથી સૌથી મહત્વપૂર્ણ એઆઇ-સંચાલિત સ્માર્ટ ચશ્મ
રિલાયન્સે તેની 48મી એજીએમમાં ઘણી ટેકનોલોજી નવીનતાઓ રજૂ કરી છે. જેમાંથી સૌથી મહત્વપૂર્ણ એઆઇ-સંચાલિત સ્માર્ટ ચશ્મા જિયો ફ્રેમ છે, જે મેટા રે બેન સાથે સ્પર્ધા કરશે. આ ઉપરાંત વોઇસ આસિસ્ટન્ટ રિયા, નવી ટેકનોલોજી વોઇસ પ્રિન્ટ અને 24 કલાકમાં બ્રોડબેન્ડ ઇન્સ્ટોલેશન જેવી સુવિધાઓનો સમાવેશ થાય છે.
રિલાયન્સ ઇન્ડસ્ટ્રીઝ લિમિટેડની 48મી વાર્ષિક સામાન્ય સભામાં કંપનીના નોન-એક્ઝિક્યુટિવ ડિરેક્ટર આકાશ અંબાણીએ નવા સ્માર્ટ ચશ્મા જિયો ફ્રેમ લોન્ચ કર્યા છે, જે મેટાના રે-બેન સ્માર્ટ ચશ્મા સાથે સીધી સ્પર્ધા કરશે. આકાશ અંબાણીએ કહ્યું કે જિયો ફ્રેમ્સ ફક્ત ચશ્માની જોડી નથી પરંતુ એઆઈ-સંચાલિત પહેરી શકાય તેવું પ્લેટફોર્મ છે. આ ચશ્માની ફ્રેમ ખાસ કરીને ભારતીય ભાષાઓને સમજવાની તાકાત ધરાવે છે. તેમણે કહ્યું કે જિયો ફ્રેમ્સ પહેરો, તમારી ભાષામાં વાત કરો અને સંપૂર્ણપણે નવો ડિજિટલ અનુભવ મેળવો.
એકવાર તમારી જિયો ફ્રેમ્સ ચાલુ થયા પછી તમે જિયોના બહુભાષી AI વોઇસ આસિસ્ટન્ટ સાથે ફક્ત બોલીને વાત કરી શકો છો. તે ભારતીય જીવનશૈલી, કાર્ય અને મનોરંજન માટે રચાયેલ હેન્ડ્સ-ફ્રી, એઆઇ-સંચાલિત સાથી છે. અંબાણીએ કહ્યું કે જિયો ફ્રેમ્સ વડે તમે તમારી દુનિયાને એકદમ નવી રીતે કેપ્ચર કરી શકો છો, એચડી ફોટા લઈ શકો છો, વીડિયો રેકોર્ડ કરી શકો છો અથવા લાઈવ થઈ શકો છો. તેમાં રેકોર્ડ થયેલી દરેક વસ્તુ સીધી જિયો AI ક્લાઉડમાં સ્ટોર થાય છે.
રિલાયન્સે એક નવું વૉઇસ-સક્ષમ સર્ચ આસિસ્ટન્ટ બનાવ્યું.
આકાશ અંબાણીએ કહ્યું કે, હજારો કલાકની સામગ્રી વચ્ચે શું જોવું તે નક્કી કરવું ખૂબ મુશ્કેલ હોઈ શકે છે. એટલા માટે રિયા બનાવ્યું છે. તમારું નવું વૉઇસ-ઇનેબલ્ડ સર્ચ આસિસ્ટન્ટ, જે સામગ્રી શોધવાનું ખૂબ જ સરળ બનાવે છે. રિયા એવી રીતે ડિઝાઇન કરવામાં આવ્યું છે જે તમારા વિચારો અને બોલવાની રીતને સમજે છે. ફક્ત અમને જણાવો કે તમે શું જોવા માંગો છો. પછી કોઈ વેબસીરિઝ, એપિસોડ તમને શું ગમશે. રિયા તમને તે જ શોધીને બતાવશે. હવે સ્ક્રોલ કરવાની અને વધુ સર્ચિંગ કરવાની જરૂર નથી.
તમારી ભાષામાં અસલી અવાજ સાથે મનોરંજનનો નવો અનુભવ
આકાશ અંબાણીએ કહ્યું કે અમે વોઇસ પ્રિન્ટ પણ રજૂ કર્યું છે, આ નવી ટેકનોલોજી વાર્તાઓ જોવાની રીતને વધુ મજેદાર બનાવશે. જિયો હોટસ્ટાર એપ પર પહેલી વાર, તમે તમારા મનપસંદ રમતગમત અને મનોરંજન કાર્યક્રમો તમારી મનપસંદ ભારતીય ભાષામાં જોઈ શકશો, તે પણ કલાકારોના મૂળ અવાજમાં. એઆઇની મદદથી તમારા મનપસંદ સ્ટાર્સ હવે ફક્ત ડબ નહીં થાય, તેના બદલે તેઓ તમારી ભાષામાં તેમના વાસ્તવિક અવાજમાં બોલશે અને તેમના હોઠની દરેક હલનચલન સ્ક્રીન પર સંપૂર્ણ દેખાશે. ક્રિકેટ મેચ હોય કે મોટી ફિલ્મ હવે તમે તેને તમારી પોતાની ભાષામાં જોઈ શકો છો.
બ્રોડબેન્ડ ઇન્સ્ટોલ કરવા માટે હવે રાહ નહીં જોવી પડે
અંબાણીએ કહ્યું કે પહેલા બ્રોડબેન્ડ ઇન્સ્ટોલ કરવામાં દિવસો લાગતા હતા. હવે જિયો 24 કલાકથી ઓછા સમયમાં હાઇ-સ્પીડ ઇન્ટરનેટ શરૂ કરે છે. આ બધું જિયો દ્વારા બનાવેલા 'ડિજિટલ ટ્વીન' ના કારણે શક્ય બન્યું છે. એક 3D નકશો સમગ્ર ભારતમાં ઇમારતો, રસ્તાઓ અને વિસ્તારો દર્શાવે છે.
જિયોની ટેકનોલોજી દુનિયાભરમાં ફેલાશે
જિયો હવે માત્ર ભારતમાં જ નહીં પરંતુ દુનિયાભરમાં પોતાની ટેકનોલોજી ફેલાવવા માગે છે. જિયો તેની ટેકનોલોજીનો ઉપયોગ વૈશ્વિક સમસ્યાઓના ઉકેલ માટે અને અન્ય દેશોમાં પણ સેવાઓ પૂરી પાડવા માટે કરવાની યોજના ધરાવે છે. આકાશ અંબાણીએ કહ્યું કે જિયોની સફળતા પાછળ ફક્ત એક જ વિચાર છે - દરેક ગ્રાહકને પૂરા દિલથી સેવા આપવી, દરેક વ્યક્તિને ઇન્ટરનેટ સાથે જોડવી અને દેશના દરેક નાગરિકનું ઉત્થાન કરવું.
