ઓગસ્ટમાં IPO ની વણઝાર: 12 કંપનીઓ ₹25,000 કરોડ એકઠા કરશે, રોકાણકારો માટે સુવર્ણ તક!
છેલ્લું અપડેટ : 02 Aug 2026
જો તમે પણ શેરબજારમાં (Share Market) આઈપીઓ (IPO) માં રોકાણ કરીને લિસ્ટિંગ ગેઈન (Listing Gain) કે લાંબા ગાળાનું વળતર મેળવવા માંગો છો, તો ઓગસ્ટ 2026 નો મહિનો તમારા માટે ખૂબ જ મહત્વપૂર્ણ રહેવાનો છે. આ મહિને પ્રાથમિક બજારમાં (Primary Market) ભારે ધમધમાટ જોવા મળશે, જ્યાં 12 થી વધુ જાણીતી કંપનીઓ આઈપીઓ લાવીને ₹25,000 કરોડથી વધુની મૂડી એકત્ર કરવાની તૈયારી કરી રહી છે.
ઝેપ્ટો (Zepto) નો સૌથી મોટો આઈપીઓ રહેશે મુખ્ય આકર્ષણ
ઓગસ્ટ મહિનામાં આવનારા આઈપીઓમાંથી સૌથી વધુ ચર્ચા ક્વિક કૉમર્સ (Quick Commerce) ક્ષેત્રની દસ મિનિટમાં ડિલિવરી આપતી કંપની ઝેપ્ટોની (Zepto) છે. કંપની આઈપીઓ દ્વારા આશરે ₹8,010 કરોડ એકત્ર કરવાનો લક્ષ્યાંક ધરાવે છે.
આ સિવાય અન્ય જાણીતી કંપનીઓ જેવી કે:
- શિપરોકેટ (Shiprocket)
- ટ્રુહોમ ફાઇનાન્સ (Truhome Finance)
- એલિવેટ કેમ્પસિસ (Elevate Campuses)
- મિલ્કી મિસ્ટ ડેરી ફૂડ (Milky Mist Dairy Food)
પણ બજારમાં પ્રવેશવા સજ્જ છે.
આ વિવિધ ક્ષેત્રોની કંપનીઓ પણ રેસમાં
ઝેપ્ટો અને શિપરોકેટ ઉપરાંત ઇનોવેટિવ્યૂ ઇન્ડિયા (Innovatiview India), ધૂત ટ્રાન્સમિશન (Dhoot Transmission), આર્સિલ (ARCIL), આર્ડી ઇન્ડસ્ટ્રીઝ (Ardee Industries), ગજા અલ્ટરનેટિવ એસેટ મેનેજમેન્ટ (Gaja Alternative Asset Management), રેઝ ઓફ બિલીફ (Rays of Belief), હાઇ ટેક એન્જિનિયર્સ (Hy Tech Engineers), શંખેશ જ્વેલર્સ (Shankesh Jewellers) અને લર્નફ્લુઅન્સ એજ્યુકેશન (Learnfluence Education) જેવી અલગ-અલગ સેક્ટરની કંપનીઓ પણ આઈપીઓ લાવવા લાઈનમાં છે.
2026 માં પ્રાથમિક બજારમાં મજબૂત તેજી
વર્ષ 2026 માં અત્યાર સુધીમાં 36 કંપનીઓ પોતાના આઈપીઓ લાવી ચૂકી છે, જેમાં માત્ર જુલાઈ મહિનામાં જ 9 કંપનીઓએ પબ્લિક ઇશ્યૂ (Public Issue) લોન્ચ કર્યા હતા. મણિપાલ હેલ્થ એન્ટરપ્રાઇઝિસ (Manipal Health Enterprises) અને જુનિપર ગ્રીન એનર્જી (Juniper Green Energy) જેવી કંપનીઓ પણ બજારમાં આવી રહી છે. મજબૂત માર્કેટ સેન્ટિમેન્ટ (Market Sentiment) અને રોકાણકારોના વિશ્વાસના કારણે બજારમાં આ તેજી જોવા મળી રહી છે.
રોકાણકારોએ કઈ બાબતોનું ધ્યાન રાખવું?
નિષ્ણાતોના જણાવ્યા અનુસાર, માત્ર લિસ્ટિંગ ગેઈન મેળવવા માટે દરેક આઈપીઓમાં રોકાણ કરવું યોગ્ય રણનીતિ નથી.
રોકાણ કરતા પહેલાં કંપનીનો બિઝનેસ મોડેલ (Business Model), નાણાકીય સ્થિતિ (Financials), વેલ્યુએશન (Valuation) અને ગ્રોથ પ્લાન (Growth Plan) સમજવો જરૂરી છે.
મજબૂત ફંડામેન્ટલ્સ (Fundamentals) ધરાવતી કંપનીઓમાં લાંબા ગાળાનું રોકાણ વધુ સારું રિટર્ન આપી શકે છે.
(ડિસ્ક્લેમર: આ અહેવાલ માત્ર માહિતી માટે છે. કોઈપણ આઈપીઓમાં રોકાણ કરતાં પહેલાં તમારા નાણાકીય સલાહકારની સલાહ અવશ્ય લેવી.)
