FIIની વેચાવલીના દબાણથી ઉંચા ગેપમાં ખૂલેલા ભારતીય શેરબજારો ઘટાડા સાથે બંધ રહ્યા

કારોબારી સપ્તાહના પ્રથમ દિવસે એટલે કે સોમવારે ભારતીય શેરબજારો ઘટાડે બંધ રહ્યા છે. સેન્સેક્સ 74 પોઈન્ટ અથવા 0.09% ઘટીને 81,152 પર બંધ થયો, જ્યારે નિફ્ટી 73 પોઈન્ટ ઘટીને 0.29% પર બંધ થયો. આજે દિવસભરના કારોબારમાં ઉતાર-ચઢાવ રહ્યા હતા. આજે સવારે નિફ્ટી 100 પોઈન્ટના વધારા સાથે 24,956ના સ્તરે ખુલ્યો હતો, જ્યારે સેન્સેક્સ 500 પોઈન્ટથી વધુના વધારા સાથે 81,770ના સ્તરે ખુલ્યો હતો. સેક્ટરલ ઇન્ડેક્સમાં ઓટોમોબાઇલ સેક્ટરને બાદ કરતાં તમામ ઉદ્યોગોના ઇન્ડેક્સ લાલ નિશાનમાં બંધ રહ્યા હતાં. 

આ શેરોમાં ઉછાળો નોંધાયો હતો

સોમવારે સૌથી વધુ ઉછાળો એચડીએફસી બેન્કના શેરમાં નોંધાયો હતો. એચડીએફસી બેંકનો શેર 2.79% વધીને રૂ. 1,729 પર બંધ થયો, જ્યારે એશિયન પેઇન્ટ્સનો શેર 1.91% વધીને રૂ. 3,049 પર બંધ થયો. આ સિવાય મહીન્દ્રા એન્ડ મહીન્દ્રાના શેર 1.15% ના ઉછાળા સાથે 2,998 ના સ્તર પર બંધ થયા. તે જ સમયે, ટેક મહિન્દ્રામાં 0.79% નો ઉછાળો નોંધવામાં આવ્યો છે, જે 1,701 ના સ્તરે બંધ થયો હતો, જ્યારે આરઆઇએલ 0.73% વધીને 2,738 ના સ્તરે બંધ થયો હતો.

આ શેરોમાં થયો ભારે ઘટાડો

તે જ સમયે, કોટક બેંકના શેરમાં લગભગ 4.5 ટકાનો જંગી ઘટાડો નોંધાયો છે. કોટક મહિન્દ્રાનો શેર 4.38% ઘટીને રૂ. 1,789 પર બંધ થયો હતો, જ્યારે બજાજ ફિનસર્વનો શેર 3.38% ઘટીને રૂ. 1,758 પર બંધ થયો હતો. આ પછી, ઇન્ડસઇન્ડ બેંકના શેર 2.90% ઘટીને 1,308 ના સ્તરે બંધ થયા. તે જ સમયે, અદાણી પોર્ટ્સ એસઇઝેડ  2.15% ઘટીને 1,376 ના સ્તરે બંધ થયો હતો.

ઓટો સિવાય તમામમાં ઘટાડો

આજના કારોબારમાં સૌથી વધુ વૃદ્ધિ નિફ્ટી ઓટો ઈન્ડેક્સમાં જોવા મળી છે. નિફ્ટી ઓટો 0.42% ના વધારા સાથે 25,252 ના સ્તર પર બંધ થયો. તે જ સમયે, બેંક નિફ્ટી 0.25% ઘટીને 51,963 ના સ્તર પર બંધ થયો. આ પછી, નિફ્ટી આઇટી 1.29% ઘટીને 41,563 ના સ્તરે બંધ થયો અને છેલ્લે નિફ્ટી મીડિયા 2.83% ઘટીને 1,984 ના સ્તર પર બંધ થયો.

વિદેશી રોકાણકારો દ્વારા વેચાવલી યથાવત

એક્સચેન્જના ડેટા અનુસાર વિદેશી રોકાણકારો દ્વારા વેચાણ ચાલુ છે. વિદેશી સંસ્થાકીય રોકાણકારો (એફઆઇઆઇ)એ શુક્રવારે રૂ. 5,485.70 કરોડની ઇક્વિટી વેચી હતી. જોકે, સ્થાનિક સંસ્થાકીય રોકાણકારો (ડીઆઇઆઇ) એ રૂ. 5,214.83 કરોડની ઇક્વિટી ખરીદી હતી.