સેલેરીમાંથી TDS કપાવવું પૂરતો નથી, ભરવું પડશે ITR નહીં તો થશે નુકસાન

ઇનકમ ટેક્સ રિટર્ન ફાઇલ કરવાની આખર તારીખ નજીક આવી રહી છે. દરેક વ્યક્તિએ શક્ય તેટલી વહેલી તકે તેમનું આઇટીઆર ફાઇલ કરવું જોઈએ. આજે અમે તમને જણાવવા જઈ રહ્યા છીએ કે પગારદાર લોકોએ આઇટીઆર ફાઈલ કરવું જોઈએ કે નહીં. વાસ્તવમાં, તમામ કંપનીઓ સામાન્ય રીતે તેમના કર્મચારીઓના ચૂકવવાપાત્ર ટેક્સની ગણતરી કરે છે. આ સિવાય સંબંધિત નાણાકીય વર્ષ દરમિયાન કર કપાત કરવામાં આવે છે. જો આવકવેરો પહેલેથી જ ચૂકવવામાં આવ્યો હોય અને કર્મચારી રિફંડ મેળવવાનો ઇરાદો ન ધરાવતા હોય, તો શું કર્મચારીએ આવકવેરા રિટર્ન (આઇટીઆર) ફાઇલ કરવાની જરૂર છે કે નહીં?

એક્સપર્ટે આ વાત કહી

લીગલ ફર્મ એકોમ લીગલના પાર્ટનર કલ્પિત ખંડેલવાલે આ અંગે જણાવ્યું હતું કે, મોટાભાગના પગારદાર વ્યક્તિઓ વિચારે છે કે તેમના પગારમાંથી ટીડીએસ કાપવામાં આવી રહ્યો છે અને તેઓ કોઈ રિફંડ માટે દાવો કરવા માગતા નથી, આવી સ્થિતિમાં તેમને ઇનકકમ ટેક્સ રિટર્ન ફાઈલ કરવું જરૂરી નથી. જોકે, આ પદ્ધતિ ખોટી છે અને રિટર્ન ફાઇલ ન કરો તો તમને આવકવેરા તરફથી નોટિસ પણ મળી શકે છે.

પગારદાર વર્ગને ઇનકમ ટેક્સ રિટર્ન ભરવું જોઇએ

મુક્તિ મર્યાદા કરતાં વધુ કુલ આવક ધરાવતી વ્યક્તિઓએ નાણાકીય વર્ષ 2023-24 દરમિયાન આવકવેરા રિટર્ન ફાઇલ કરવું જરૂરી છે. આવી સ્થિતિમાં, પગારદાર કર્મચારીઓ કે જેમની વાર્ષિક આવક આવકવેરા વિભાગ દ્વારા આપવામાં આવેલી છૂટ કરતાં વધુ છે, તેઓએ 31 જુલાઈ પહેલા તેમની ઇનકમ ટેક્સ રિટર્ન ફાઇલ કરવું આવશ્યક છે. આ સમયરેખા તે વ્યક્તિઓને લાગુ પડે છે જેઓ આવકવેરા ઓડિટ માટે જવાબદાર નથી. ઉલ્લેખનીય છે કે, જૂની પેન્શન વ્યવસ્થા હેઠળ ટેક્સ ભથ્થાની મર્યાદા 2.5 લાખ રૂપિયા છે, જ્યારે નવી ટેક્સ સિસ્ટમ હેઠળ આ મર્યાદા 3 લાખ રૂપિયા છે.

ટીડીએસ સર્ટિફિકેટ શું હોય છે?

નોંધનીય છે કે, તમામ કંપનીઓએ તેમના કર્મચારીઓને 15 જૂનથી આઇટીઆર ફાઈલ કરવા માટે ફોર્મ 16 આપવાનું શરૂ કરી દીધું છે, ફોર્મ 16 વિના પગારદાર લોકો ઈનકમ ટેક્સ રિટર્ન ફાઈલ કરી શકતા નથી. વાસ્તવમાં, ફોર્મ 16 એ TDS પ્રમાણપત્ર છે, તેમાં કંપની દ્વારા કર્મચારી પાસેથી મળેલા પગાર પર કાપવામાં આવેલા ટેક્સનો હિસાબ હોય છે. આવી સ્થિતિમાં, તમારે આઇટીઆર ફાઇલ કરતી વખતે આ માહિતી દાખલ કરવી પડશે.