બીજા શહેરમાં શિફ્ટ થવાનું છે તો આ રીતે ઘરે બેઠા બદલો આધાર કાર્ડમાં તમારું એડ્રેસ, જાણો સંપૂર્ણ પ્રક્રિયા

જો કોઈ કારણોસર તમે એક શહેરમાંથી બીજા શહેરમાં શિફ્ટ થાવ છો, તો તમારા માટે તમામ દસ્તાવેજો અપડેટ કરવા સૌથી મહત્ત્વપૂર્ણ બની જાય છે. આધાર કાર્ડ પણ આ દસ્તાવેજોમાંથી એક છે. આજે અમે તમને આધાર કાર્ડમાં એડ્રેસ અપડેટ કરવાની સરળ રીત જણાવીશું. સૌથી મોટી વાત એ છે કે, આધાર કાર્ડમાં એડ્રેસ અપડેટ કરવા માટે તમારે ક્યાંય જવાની જરૂર નથી, તમે આ કામ ઘરે બેઠા કરી શકો છો. આ માટે તમારે 50 રૂપિયા ફી ચૂકવવી પડશે. આ સમગ્ર પ્રક્રિયા દરમિયાન, આધાર સાથે રજિસ્ટર થયેલ મોબાઈલ નંબર અને અપડેટેડ એડ્રેસ ડોક્યુમેન્ટ તમારી પાસે રાખો.

આધાર કાર્ડમાં એડ્રેસ કેવી રીતે બદલવું?

સૌથી પહેલા તમારે UIDAI myaadhaar.uidai.gov.in/ની ઓફિશિયલ સાઈટ ખોલવી પડશે. વેબસાઇટ પર ગયા પછી, હવે MY આધારનો વિકલ્પ પસંદ કરો. અહીં તમે Update Your Aadhaarની કોલમ જોશો. આ કોલમમાં તમારે Update Demographics Data Online પર ક્લિક કરવાનું રહેશે. અહીં લોગિન કરવા માટે, તમારો 12 અંકનો આધાર નંબર દાખલ કરો. કેપ્ચ કોડ પણ દાખલ કરો અને સેન્ડ OTP પર ક્લિક કરો.

આ પછી તમારા આધાર નંબર પર એક OTP આવશે. તેને દાખલ કરો અને લોગિન કરો. હવે તમે ડિસ્પ્લે પર આધાર અપડેટનો વિકલ્પ જોશો. અહીં ક્લિક કર્યા બાદ Proceed to Aadhaar Updateના વિકલ્પ પર ક્લિક કરો. હવે તમે ડિસ્પ્લે પર વર્તમાન એડ્રેસ દેખાશો. આ પછી, તમે જે નવા સરનામાંને અપડેટ કરવા માગો છો તેનો ઓપ્શન દેખાશે. હવે અહીં નવા સરનામાની માહિતી ભરો. આ સાથે, તમારે તે દસ્તાવેજ પણ સબમિટ કરવો પડશે જેના પર તમારું નવું એડ્રેસ છે. તમે તેને પ્રિવ્યૂ પણ કરી શકો છો.

ડોક્યુમેન્ટ અપલોડ કર્યા પછી, નીચેના બંને ચેક બોક્સ પર ક્લિક કરો અને નેક્સ્ટ પર ક્લિક કરો. હવે તમને પેમેન્ટ ઓપ્શન દેખાશે. તમે UPI, નેટ બેંકિંગ, ક્રેડિટ કાર્ડ અથવા ડેબિટ કાર્ડ દ્વારા ચુકવણી કરી શકો છો. આ પછી તમને અપડેટ રિક્વેસ્ટ નંબર એટલે કે URN મળશે. તમે તેનો સ્ક્રીનશોટ લો અને તેને સુરક્ષિત રાખો. 30 દિવસ પછી તમારું એડ્રેસ અપડેટ થઈ જશે.