Budget 2024:બજેટમાં હાઉસિંગ સેક્ટરને મળ્યો બૂસ્ટર ડોઝ, નાણામંત્રીએ 10 લાખ કરોડ રૂપિયા આ આવાસ યોજનાને ફાળવ્યા 

નાણામંત્રી નિર્મલા સીતારમણે સંસદમાં 2024-25નું બજેટ રજૂ કર્યું છે. બજેટના ખાસ દિવસે નાણામંત્રીએ સફેદ-ગુલાબી રંગની સાડી પસંદ કરી અને સફેદ રંગને પવિત્રતાનું પ્રતિક માનવામાં આવે છે. આજે નાણામંત્રીએ બજેટ ભાષણમાં રિયલ એસ્ટેટ ક્ષેત્ર સાથે જોડાયેલી આ જાહેરાતોને સ્થાન આપ્યું હતું, જેના આધારે કહી શકાય કે આગામી સમયમાં પણ રિયલ્ટી સેક્ટર માટે વૃદ્ધિનો માર્ગ ખુલ્લો રહેશે.

હાઉસિંગ સેક્ટર માટે નાણામંત્રીની મોટી જાહેરાત

નાણામંત્રી નિર્મલા સીતારમણે બજેટમાં જાહેરાત કરી કે, પીએમ આવાસ યોજના હેઠળ 3 કરોડ વધારાના મકાનો બનાવવામાં આવશે. શહેરોમાં આવાસ યોજના માટે 10 લાખ કરોડ રૂપિયાની બજેટ ફાળવણી કરવામાં આવી છે. આ અંતર્ગત પીએમ આવાસ યોજના 2.0 માટે 10 લાખ કરોડ રૂપિયા આપવામાં આવશે. આમાં કેન્દ્ર સરકાર દ્વારા આગામી 5 વર્ષ માટે રૂ. 2.2 લાખ કરોડનો હિસ્સો તબક્કાવાર જાહેર કરવામાં આવશે.

22 જુલાઈના રોજ રજૂ કરાયો આર્થિક સર્વે

વડાપ્રધાન નરેન્દ્ર મોદીની સરકારના ત્રીજા કાર્યકાળના પ્રથમ પૂર્ણ બજેટની રજૂઆત પહેલા 22 જુલાઈના રોજ સંસદમાં આર્થિક સર્વે રજૂ કરવામાં આવ્યો હતો. આમાં 2023-24માં દેશની અર્થવ્યવસ્થાને લગતી કેટલીક ખાસ બાબતો પર ધ્યાન આપવામાં આવ્યું છે. નાણામંત્રીના નેતૃત્વ હેઠળ, મુખ્ય આર્થિક સલાહકાર વી અનંત નાગેશ્વરન અને તેમની ટીમે આર્થિક સર્વે તૈયાર કર્યો જેમાં કૃષિથી લઈને ખાંડ ઉદ્યોગ, રોજગારથી લઈને વૈશ્વિક પડકારો સુધીની દરેક બાબતોને આવરી લેવામાં આવી હતી.