સપ્તાહના છેલ્લા દિવસે બજારની તેજી પર બ્રેકઃ સેન્સેક્સ અને નિફ્ટી આ ત્રણ કારણથી ઘટ્યા

વૈશ્વિક બજારોમાં મિશ્ર સંકેતોની વચ્ચે ઘરેલુ શેરબજારમાં શુક્રવારે બેન્ચમાર્ક ઇન્ડેક્સ ઘટીને બંધ રહ્યા હતાં. આરબીઆઇએ સતત 11મી વખત રેપો રેટને 6.5% પર સ્થિર રાખ્યા બાદ બજાર લાલ નિશાનમાં બંધ થયું હતું. અગાઉ, બજાર સતત પાંચ ટ્રેડિંગ સેશનમાં ઊંચા સ્તરે બંધ રહ્યું હતું. એચડીએફસી બેન્ક, રિલાયન્સ ઇન્ડસ્ટ્રીઝ અને ઇન્ફોસિસના શેરમાં ઘટાડો, જે ઇન્ડેક્સમાં ભારે વેઇટેજ ધરાવે છે, તેણે બજારને નીચે ખેંચ્યું.

આ પણ વાંચો: હવે UPIથી લોન આપશે બૅન્ક, RBIની જાહેરાત; જાણો કઈ રીતે કરી શકાશે ઉપયોગ

બીએસઇના 30 શેરો વાળા સેન્સેક્સ આજે 100થી વધુ પોઈન્ટ વધીને 81,887.54ના સ્તર પર ખુલ્યા છે. ટ્રેડિંગ દરમિયાન ભારે વોલેટિલિટી બાદ સેન્સેક્સ આખરે 56.74 પોઈન્ટ્સ અથવા 0.07 ટકા ઘટીને 81,709.12 પર બંધ રહ્યો હતો.

એ જ રીતે નેશનલ સ્ટોક એક્સચેન્જ (એનએસઇ)નો નિફ્ટી-50 પણ 30.60 પોઈન્ટ અથવા 0.12%ના નજીવા ઘટાડા સાથે 24,677.80 પોઈન્ટ પર બંધ રહ્યો હતો. જોકે, નિફ્ટી-50 એ પણ લીલા રંગમાં ટ્રેડિંગની શરૂઆત કરી હતી.

ટોપ લૂઝર્સ શેરો

સેન્સેક્સની 30 કંપનીઓમાંથી અદાણી પોર્ટ્સના શેર સૌથી વધુ ઘટીને બંધ થયા છે. આ સિવાય એશિયન પેઇન્ટ્સ, ભારતી એરટેલ, ઇન્ડસઇન્ડ બેન્ક, રિલાયન્સ ઇન્ડસ્ટ્રીઝ, ઇન્ફોસિસ, બજાજ ફિનસર્વ, અલ્ટ્રા સિમેન્ટ, એચડીએફસી બેન્ક, કોટક બેન્ક, સ્ટેટ બેન્કના શેરમાં મુખ્યત્વે ઘટાડો નોંધાયો હતો.

આ પણ વાંચો: RBIની ખેડૂતો માટે મોટી જાહેરાત, કોઈપણ પ્રોપર્ટી ગીરવી રાખ્યા વગર મળશે આટલી લોન!

ટોપ ગેનર્સ શેરો

બીજી તરફ, ટાટા મોટર્સના શેરમાં 3%થી વધુનો વધારો થયો છે. આ ઉપરાંત એક્સિસ બેન્ક, મારુતિ સુઝુકી, આઇટીસી, ટાટા સ્ટીલ, એલએન્ડટી, ટાઇટન, જેએસડબલ્યુ સ્ટીલ, નેસ્લે ઇન્ડિયાના શેરમાં મોટો ઉછાળો રહ્યો હતો.

6 ડિસેમ્બરે શેરબજારમાં ઘટાડાનું કારણ

1. તરલતાની સ્થિતિને સરળ બનાવવા માટે, ભારતીય રિઝર્વ બેંક (આરબીઆઇ) એ બેંકોના કેશ રિઝર્વ રેશિયો (સીઆરઆર) ને 4.5%થી ઘટાડીને 4% કર્યો છે. તેના કારણે બેંક શેરોમાં ઘટાડો થયો છે.

2. આ સિવાય ઇન્ડેક્સમાં ભારે વેઇટેજ ધરાવતા એચડીએફસી બેન્ક, રિલાયન્સ ઇન્ડસ્ટ્રીઝ અને ઇન્ફોસિસના શેરના ઘટાડાએ બજારને નીચે ખેંચ્યું.

3. એકંદરે બજારે મિશ્ર પ્રદર્શન કર્યું. આ બજારના સાવચેત પરંતુ લવચીક અને મજબૂત વલણને દર્શાવે છે. તે જ સમયે, વિવિધ ક્ષેત્રો અને પસંદગીના શેરોમાં વેચવાલીથી બજારના સેન્ટિમેન્ટને અસર થઈ છે.

આ પણ વાંચો: RBIની મોટી સિદ્ધિ, ઓક્ટોબરમાં ખરીદ્યું રેકોર્ડ બ્રેક સોનું, વિશ્વમાં બન્યું નંબર 1

છેલ્લા ટ્રેડિંગમાં બજારનું વલણ કેવું હતું?

છેલ્લા ટ્રેડિંગ સેશનમાં 30 શેરો ધરાવતો બીએસઇ સેન્સેક્સ 809.53 પોઈન્ટ અથવા 1 ટકા વધીને 81,765.86 પર અને એનએસઇ નિફ્ટી 50 240.95 પોઈન્ટ અથવા 0.98 ટકા વધીને 24,708.40 પર બંધ થયો હતો.