31 ઓગસ્ટ છે છેલ્લી તારીખ! ITRથી LPG e-KYC સુધી, આજે જ પતાવી લો આ 4 કામ
છેલ્લું અપડેટ : 31 Aug 2026
નવો મહિનો શરૂ થવાની સાથે જ ઘણા નાણાકીય કામોમાં ફેરફાર થવા જઈ રહ્યો છે. 1 સપ્ટેમ્બરથી ઘણા નવા નિયમો લાગુ થશે. જોકે, તે પહેલાં 4 વસ્તુઓની ડેડલાઇન 31 ઓગસ્ટે જ પૂરી થઈ રહી છે, જે તમારા ખિસ્સા સાથે જોડાયેલી છે. જેમાં LPGથી લઈને ITR ફાઈલ કરવાના નિયમો સામેલ છે.
બિઝનેસ અને રોકાણકારો માટે ITR ડેડલાઈન
જો તમારો બિઝનેસ છે અથવા તમે શેરબજારમાં રોકાણ કરો છો તો તમારા માટે ITR ભરવાની ડેડલાઈન નજીક છે, જે 31 ઓગસ્ટ 2026ના રોજ પૂરી થઈ રહી છે. ITR 3, ITR 4, ITR 5, ITR 7 ફાઈલ કરનારા કરદાતાઓએ 31 ઓગસ્ટ સુધીમાં ITR ફાઈલ કરવું જ પડશે. બીજી તરફ જો તમે ITR-1 અથવા ITR-2 ભરો છો અને ફાઈલ કરી પણ ચૂક્યા છો તો તમારે ચિંતા કરવાની જરૂર નથી, કારણ કે તેની લાસ્ટ ડેટ 31 જુલાઈ હતી. પરંતુ જો તમે હજુ સુધી ફાઈલ નથી કર્યું તો તમે બિલેટેડ ITR ભરી શકો છો.
ઓલ્ડ ટેક્સ સ્કીમ પસંદ કરવાની છેલ્લી તક
જો તમારે ઓલ્ડ ટેક્સ સ્કીમ પસંદ કરીને ટેક્સ સેવિંગ કરવું હોય તો તમારી ડેડલાઈન પણ 31 ઓગસ્ટ છે. તમારે ફક્ત તમારું ITR સુધારતી વખતે (રિવાઇઝ કરતી વખતે) Form 10-IEA પણ સબમિટ કરવું પડશે. ઓગસ્ટની કમ્પ્લાયન્સ લિસ્ટમાં તેની તારીખ 31 ઓગસ્ટ 2026 આપવામાં આવી છે.
NRI માટે FCNR (B) ડેડલાઈનમાં ફેરફાર
આ સામાન્ય પગારદાર કરદાતાઓની ડેડલાઈન નથી, પરંતુ આ ડેડલાઈન NRI/FCNR (B) ડિપોઝિટ માટે ખૂબ જ ખાસ છે. RBI એ સ્પેશિયલ FCNR (B) ફોરેક્સ સ્વેપ ફેસિલિટીની ડેડલાઈન અગાઉ નક્કી કરાયેલી 30 સપ્ટેમ્બર 2026થી ઘટાડીને 31 ઓગસ્ટ 2026 કરી દીધી છે.
LPG e-KYC ન કરાવવા પર કનેક્શન બંધ
જો તમે હજુ સુધી LPG e-KYC નું કામ પૂરું નથી કર્યું તો તમારે ઝડપથી આ કામ પૂરું કરી લેવું જોઈએ, નહીં તો તમારા LPG કનેક્શન પર 1 સપ્ટેમ્બરથી બુકિંગ બંધ થઈ જશે. સાથે જ ઉજ્જવલા યોજના હેઠળ સબ્સિડીનો લાભ પણ આપવામાં આવશે નહીં. LPG e-KYC પૂરું કરવાની ડેડલાઈન 31 ઓગસ્ટ 2026 નક્કી કરવામાં આવી છે.
