અમેરિકન શેરબજારમાં વેચવાલીનું વાવાઝોડું, 2026નો તમામ નફો એક જ દિવસમાં સાફ, રોકાણકારોના અબજો ડોલર ડૂબ્યા

અમેરિકન શેરબજારમાં છેલ્લા 6 વર્ષના ઈતિહાસનો સૌથી ભયાનક કડાકો બોલાઈ ગયો છે. આર્ટિફિશિયલ ઈન્ટેલિજન્સ (AI) સેક્ટરની કંપનીઓ પરના ભારે ખર્ચ અને વળતર અંગે વધી રહેલી ચિંતા વચ્ચે 2026 માં રોકાણકારોએ મેળવેલો તમામ નફો માત્ર એક જ દિવસના ઘટાડામાં ધોવાઈ ગયો છે.
$6 Trillion (₹560 લાખ કરોડ) ની સંપત્તિ સ્વાહા
છેલ્લા એક સપ્તાહ દરમિયાન અમેરિકન માર્કેટમાંથી આશરે $6 Trillion નું જંગી નુકસાન થયું છે, જ્યારે માત્ર શુક્રવારે જ $1 Trillion ગાયબ થઈ ગયા હતા. S&P 500 ઈન્ડેક્સ સતત 7 સેશનથી ઘટી રહ્યો છે, જે 2020 ના કોરોનાકાળ પછીનો સૌથી લાંબો ઘટાડો છે.
Anthropic ના IPO પછી નફો રળવાની હોડ
શુક્રવારે AI સ્ટાર્ટઅપ Anthropic નો રેકોર્ડબ્રેક IPO લિસ્ટ થયા બાદ બજારમાં રિકવરીની આશા હતી. જોકે, લિસ્ટિંગના બીજા જ દિવસે તેનો શેર 9% ગગડીને $88.30 પર આવી ગયો હતો. આ સાથે જ માર્કેટમાં AI સંબંધિત ટેક શેરોમાં ભારે વેચવાલી શરૂ થઈ ગઈ હતી.
પ્રમુખ ઈન્ડેક્સના આંકડા (Friday Close)
Nasdaq Composite: 5.28% તૂટીને 22,617.73 પર બંધ રહ્યો (સાલ 2026 ના તમામ ગેઈન્સ ધોવાઈ ગયા).
S&P 500: 3.7% ના ઘટાડા સાથે 6,910.39 પર બંધ.
Dow Jones Industrial: 949.73 પોઈન્ટ (1.93%) ગગડીને 48,147.33 પર બંધ.
Nvidia & SanDisk: Nvidia માં 14% અને SanDisk માં 14% નો જંગી કડાકો જોવા મળ્યો.
કેમ ફૂટ્યો AI નો બબલ?
રોકાણકારો હવે AI સેક્ટરમાં ડેટા સેન્ટર્સના નિર્માણની ધીમી રફતાર, અતિશય વેલ્યુએશન અને ફંડિંગની અછતને કારણે કંપનીઓની કમાણી પર સવાલ ઉઠાવી રહ્યા છે. વધુમાં, US Federal Reserve દ્વારા વ્યાજદરો વધારવાની આશંકાથી પણ સેન્ટિમેન્ટ ખરાબ થયું છે.
એશિયા અને યુરોપના બજારોમાં પણ ભયાનક અસર
અમેરિકન શેરબજારના કડાકાની અસર વૈશ્વિક સ્તરે જોવા મળી છે. તાઈવાન માર્કેટ 6.7%, જાપાનનો Nikkei 5% અને દક્ષિણ કોરિયાનો Kospi ઈન્ડેક્સ 5.5% સુધી તૂટ્યો છે. જ્યારે બિટકોઈન પણ $60,000 ની નીચે ગગડી ગયો છે. રોકાણકારો હવે રિસ્કી AI શેરોમાંથી નાણાં પાછા ખેંચી સેફ એસેટ્સ અને ભારતીય બજાર જેવા ઈમર્જિંગ માર્કેટ્સ તરફ વળી રહ્યા છે.











