Jeep Compassનું નવું પેટ્રોલ વેરિઅન્ટ થયું લોન્ચ, શું આ મોડલ ભારતમાં આવશે?

Jeep Compassએ આંતરરાષ્ટ્રીય સ્તરે કંપાસ લાઇન-અપમાં નવું 2.0-લિટર ટર્બો-પેટ્રોલ એન્જિન વેરિએંટ લોન્ચ કર્યું છે. આ નવું એન્જિન 272hp અને 400Nm ટોર્ક ઉત્પન્ન કરે છે. ભારતીય બજારની વાત કરીએ તો, જીપ રેંગલર અને ગ્રાન્ડ ચેરોકી 2.0-લિટર ટર્બો પેટ્રોલ એન્જિન સાથે બજારમાં ઉપલબ્ધ છે.

Jeep Compass ટર્બો પેટ્રોલ એન્જિન પાવર

Jeep Compassનું 2.0-લિટર ટર્બો પેટ્રોલ એન્જિન 272 એચપીની શક્તિ પ્રદાન કરે છે અને 400 એનએમનો ટોર્ક જનરેટ કરે છે. આ એન્જિન જીપ કંપાસના આ મોડલને સૌથી પાવરફુલ વેરિઅન્ટ બનાવે છે. જીપ કંપાસના આ યુનિટમાં ડાયરેક્ટ ઈન્જેક્શન અને ડ્યુઅલ વીપીટી સેટઅપ છે, જેના કારણે આ કાર 6.3 સેકન્ડમાં 0 થી 100 કિમી પ્રતિ કલાકની ઝડપ વધારવામાં સક્ષમ છે. આ વેરિએંટની ટોપ-સ્પીડ 228 kmph છે. આ કારમાં 300 mmની બ્રેક ડિસ્ક પણ લગાવવામાં આવી છે.

શું આ મોડલ ભારતમાં આવશે?

ભારતીય બજારમાં Jeep Compassની પેટ્રોલ લાઇન-અપમાં હાલમાં કોઈ કાર નથી. તે જ સમયે, ગયા વર્ષે એવા સમાચાર આવ્યા હતા કે જીપ ઇન્ડિયા ફરી એકવાર તેની પેટ્રોલ લાઇન-અપ ભારતમાં લાવવાની તૈયારી કરી રહી છે. જો આ કારનું પેટ્રોલ વેરિઅન્ટ ભારતમાં આવે છે, તો તેનું પેટ્રોલ એન્જિન થોડું નાનું હોઈ શકે છે. આ કારમાં ભારતીયોને 1.3-લિટર ટર્બો પેટ્રોલ એન્જિન મળી શકે છે, જે 185 hpનો પાવર જનરેટ કરશે. Jeep Compass આ એન્જિનનું વેરિઅન્ટ ભારતમાં વર્ષ 2025માં લાવી શકે છે.

આવનારા સમયમાં આ એન્જિન સાથે જીપ મેરિડિયન પણ માર્કેટમાં આવી શકે છે. અને આ પહેલા તેનું ફેસલિફ્ટ વર્ઝન માર્કેટમાં આવશે. જીપ મેરિડિયન ફેસલિફ્ટ આ વર્ષના અંતમાં ભારતીય બજારમાં પ્રવેશી શકે છે.