મે મહિનામાં મહિન્દ્રાની આ કારનું થયું ધૂમ વેચાણ! જાણો કયું વેરિયન્ટ બન્યું લોકપ્રિય

ભારતીય બજારમાં મહિન્દ્રાના વાહનોનો ઘણો ક્રેઝ છે, ખાસ કરીને કંપનીની SUV. આમાં પણ મહિન્દ્રા થારની પોતાની આગવી ઓળખ છે. તે પણ સારી રીતે વેચાય છે. હવે મે મહિનાના તાજેતરના ડેટામાં મહત્વપૂર્ણ વલણો અને ગ્રાહક પસંદગીઓમાં ફેરફાર જોવા મળ્યો છે. મહિન્દ્રાએ મે મહિનામાં થારના 5,750 યુનિટ વેચ્યા છે. તેમાંથી 5,207 ડીઝલ વેરિઅન્ટ હતા જ્યારે માત્ર 543 પેટ્રોલ વેરિઅન્ટ હતા. આ ગયા વર્ષના મેની સરખામણીમાં નોંધપાત્ર વૃદ્ધિ દર્શાવે છે. ગયા વર્ષે મે મહિનામાં 3,190 ડીઝલ અને 1,106 પેટ્રોલ યુનિટનું વેચાણ થયું હતું.

એટલે કે અહીં જોઈ શકાય છે કે લોકો ડીઝલ વેરિઅન્ટ ખરીદવાનું પસંદ કરી રહ્યા છે અને તેના વેચાણના આંકડા પણ વધું છે. જ્યારે પેટ્રોલ વેરિઅન્ટના વેચાણના આંકડામાં ઘટાડો થયો છે. જ્યારે એપ્રિલના આંકડાની વાત કરીએ તો મહિન્દ્રાએ 524 ડીઝલ અને 481 પેટ્રોલ થાર યુનિટ વેચ્યા હતા. એટલે કે ગયા મહિને પણ થારના ડીઝલ વેરિઅન્ટનું વધુ વેચાણ થયું હતું અને આ મહિને પણ તે જ ટ્રેન્ડ ચાલુ છે. જોકે, એપ્રિલની સરખામણીએ મે મહિનામાં વેચાણના આંકડા ઘણા વધારે છે.

આ દરમિયાન મહિન્દ્રાએ થાર એસયુવીના ઉત્પાદનમાં થોડો ઘટાડો કર્યો છે. આ એડજસ્ટમેન્ટ એટલા માટે કરવામાં આવી રહ્યું છે કારણ કે કંપની થારનું નવું 5-ડોર વર્ઝન લોન્ચ કરવાની તૈયારી કરી રહી છે. મારુતિની જિમ્નીને ટક્કર આપવા માટે કંપની આ મોડલને લોન્ચ કરવાની તૈયારી કરી રહી છે. આ એક ઑફ-રોડ સ્ટાઈલની SUV પણ છે.

નવા 5 દરવાજાવાળા થારને 15 ઓગસ્ટે લોન્ચ કરવામાં આવી શકે છે. સોશિયલ મીડિયા પર નવા મોડલની કેટલીક તસવીરો પણ લીક થઈ છે. આ નવું મોડલ જીમનીને ટક્કર આપશે. બજારની સ્થિતિ વિશે વાત કરીએ તો ઑફ-રોડ SUV સેગમેન્ટ વધુ સારી સ્થિતિમાં છે. થારના બજારના પ્રદર્શનને મેચ કરવા માટે સ્પર્ધાત્મક કંપનીઓએ તેમના ઉત્પાદનોમાં સુધારો કરવાની જરૂર છે. સ્પર્ધકો દ્વારા ઘણા પ્રયત્નો કરવા છતાં, થારે તેની મજબૂત બજારમાં હાજરી જાળવી રાખી છે.