રિચાર્જ પ્લાન આખા મહિનાને બદલે માત્ર 28 દિવસનો જ કેમ હોય છે? જાણો આખું ગણિત

જ્યારે મહિનો 30થી 31 દિવસનો હોય છે તો ટેલિકોમ કંપનીઓ શા માટે 28 દિવસના રિચાર્જ પ્લાન લાવે છે. જ્યારે ભારતની મોટી ટેલિકોમ કંપનીઓની વાત આવે છે, ત્યારે જિઓ, એરટેલ, વોડાફોન, આઇડિયા અને BSNLના નામ આવે છે. કંપનીઓ માસિક રિચાર્જ ઓફર કરે છે, પરંતુ માત્ર 28 દિવસ માટે. ટેલિકોમ કંપનીઓ આવું કેમ કરે છે? ચાલો જાણીએ આખું ગણિત...

ત્રણ પ્રકારના પ્લાન
ટેલિકોમ કંપનીઓ ત્રણ પ્રકારના પ્લાન લાવે છે, એક 28 દિવસ માટે, બીજો 56 દિવસનો અને ત્રીજો 84 દિવસનો. ઉલ્લેખનીય છે કે, તેની પાછળનું કારણ એ છે કે કંપનીઓ એક મહિનામાં રિચાર્જ કરીને વધુ કમાણી કરે છે. ધારો કે જો તમે દર મહિને 28 દિવસ માટે રિચાર્જ કરો છો. આવી સ્થિતિમાં તમે આખા વર્ષમાં 12 મહિના નહીં 13 મહિનાનો રિચાર્જ કરાવો છો.

પહેલા તેઓ 30 દિવસનો પ્લાન આપતા
હંમેશા એવું નથી હોતું કે કંપનીઓ માત્ર 28 દિવસ માટે જ પ્લાન ઓફર કરે છે. પહેલા પ્લાન 30 દિવસ માટે આવતો હતો. પરંતુ પાછળથી કંપનીઓને વધુ કમાણી કરવાનો વિચાર આવ્યો અને ગ્રાહકોને પણ ખાસ ફરક પડ્યો નહીં.

પાછળથી પ્રશ્નો ઉભા થયા કારણ કે કંપનીઓ આ 28 દિવસના પ્લાનને માસિક પ્લાન કહીને વેચતી હતી. ત્યારબાદ ટ્રાઈએ દરમિયાનગીરી કરી. તેમણે કંપનીઓને સૂચના આપી હતી કે જો તેઓ તેને માસિક પ્લાન કેટેગરીમાં સામેલ કરે છે તો તેમણે 30 દિવસની વેલિડિટી આપવી પડશે. પરંતુ કોઈ મોટી અસર જોવા મળી નથી, પરંતુ હવે કંપનીઓ આ પ્લાનને માસિક પ્લાનમાં સામેલ કરતી નથી.