Golden Chance! આ OnePlus ફોનની કિંમતમાં ભારે ઘટાડો, સીધા આટલા રૂપિયાનું ડિસ્કાઉન્ટ

ચીની સ્માર્ટફોન કંપની OnePlus એ તાજેતરમાં Independence Day Sale સેલની જાહેરાત કરી છે અને જણાવ્યું છે કે ઓગસ્ટ મહિનામાં તેના ઘણા ઉપકરણો ડિસ્કાઉન્ટ પર ઉપલબ્ધ થશે. બ્રાન્ડનો પ્રીમિયમ સ્માર્ટફોન OnePlus 13 5G હવે મર્યાદિત સમય માટે સસ્તો થઈ ગયો છે. કંપનીએ કહ્યું છે કે OnePlus 13 પર 7,000 રૂપિયાનું મોટું ડિસ્કાઉન્ટ આપવામાં આવશે. આ ઓફર 1 ઓગસ્ટથી 31 ઓગસ્ટ 2025 સુધી ઉપલબ્ધ રહેશે અને અસરકારક કિંમતમાં બેંક ઑફર્સ પણ શામેલ હોઈ શકે છે.

ભારતીય બજારમાં OnePlus 13ની મૂળ કિંમત 62,999 રૂપિયાથી શરૂ થાય છે, જેમાં 12GB RAM અને 256GB સ્ટોરેજ સાથેનો બેઝ વેરિઅન્ટ ઉપલબ્ધ છે. આ ઉપરાંત 12GB સાથે 512GB સ્ટોરેજ સાથેનો વેરિયન્ટ 69,999 રૂપિયામાં અને 24GB RAM સાથેનો 1TB સ્ટોરેજ વેરિયન્ટ 82,999 રૂપિયામાં ઉપલબ્ધ છે. હવે આ બધા પર ડિસ્કાઉન્ટ પછી 7,000 રૂપિયાનું મોટું ડિસ્કાઉન્ટ મળશે.

આ ફીચર્સને કારણે OnePlus 13 ખાસ

OnePlus 13 કંપનીનો ફ્લેગશિપ સ્માર્ટફોન છે, જે શક્તિશાળી ફીચર્સ અને પ્રીમિયમ ડિઝાઇન સાથે આવે છે. તેમાં 6.82-ઇંચનો ProXDR LTPO 4.1 ડિસ્પ્લે છે, જેનો રિફ્રેશ રેટ 120Hz છે. આ ડિસ્પ્લે 10-બીટ કલર ડેપ્થ અને 4500 nits સુધીની પીક બ્રાઇટનેસ સાથે આવે છે, જે તેને કોઈપણ પ્રકાશ સ્થિતિમાં વધુ સારો જોવાનો અનુભવ આપે છે. તેનું બિલ્ડ સિરામિક ગાર્ડ ફ્રન્ટ, ગ્લાસ અથવા ઇકો લેધર બેક અને એલ્યુમિનિયમ ફ્રેમ સાથે આવે છે.

શક્તિશાળી પ્રદર્શન માટે ફોનમાં Snapdragon 8 Elite Mobile Platform ચિપસેટ છે, જે તેને અલ્ટ્રા-ફાસ્ટ પ્રદર્શન આપે છે. આ સાથે 12GB, 16GB અથવા 24GB LPDDR5X રેમ અને 256GB, 512GB અથવા 1TB સુધી UFS 4.0 સ્ટોરેજ વિકલ્પ ઉપલબ્ધ છે. OnePlus 13માં ટ્રિપલ રીઅર કેમેરા સેટઅપ છે, જેમાં 50MP વાઇડ કેમેરા સેન્સર, 50MP અલ્ટ્રા-વાઇડ લેન્સ અને 3x ઓપ્ટિકલ ઝૂમ સપોર્ટ સાથે 50MP ટેલિફોટો કેમેરાનો સમાવેશ થાય છે.

સેલ્ફી અને વિડિયો કોલિંગ માટે ડિવાઇસના આગળના ભાગમાં 32MP કેમેરા છે. ફોનમાં 6,000mAh ડ્યુઅલ-સેલ બેટરી (3000mAh+3000mAh) છે, જે 100W SUPERVOOC ફાસ્ટ ચાર્જિંગ અને 50W AIRVOOC વાયરલેસ ચાર્જિંગને સપોર્ટ કરે છે. આ ફોન એન્ડ્રોઇડ 15 પર બેસ્ડ OxygenOS 15 પર ચાલે છે. આ ઉપરાંત AI ફીચર્સ, નવી હેપ્ટિક મોટર સિસ્ટમ અને IPX8 વોટર રેઝિસ્ટન્સ જેવા ફીચર્સ પણ તેમાં હાજર છે.