હવે ડેટા ડિલીટ કરવાની જરૂર નથી! Google ફ્રીમાં આપી રહ્યું છે 30 GB ક્લાઉડ સ્ટોરેજ, આ રીતે કરો એક્સેસ

ગૂગલે ભારતમાં Google One Lite પ્લાન લોન્ચ કર્યો છે. આ અંતર્ગત યુઝર્સ હવે 30 GB વધારાના સ્ટોરેજનો લાભ લઈ શકશે. ખાસ વાત એ છે કે, યુઝર્સ તેનો લાભ ફ્રીમાં મેળવી શકે છે. હાલ Google Oneનો નવો લાઇટ પ્લાન સિલેક્ટેડ યુઝર્સને બતાવવામાં આવી રહ્યો છે અને તેનું એક્સેસ ટ્રાયલ મફત આપવામાં આવી રહ્યું છે. Google Oneના બેઝિક પ્લાનમાં યુઝર્સને 100 GB ક્લાઉડ સ્ટોરેજ મળે છે. તે તમારા પરિવારના પાંચ જેટલા સભ્યો સાથે શેર કરી શકાય છે. તેનો બેઝિક પ્લાન 130 રૂપિયાનો છે. પરંતુ નવા લાઇટ પ્લાનની કિંમત અડધાથી ઓછી રાખવામાં આવી છે.

એક મહિના માટે ફ્રી ટ્રાયલ કરી શકે છે યુઝર્સ

Google નવા લાઇટ પ્લાનને એક મહિના માટે ફ્રી ટ્રાયલ તરીકે ઓફર કરી રહ્યું છે. જો તમે ઇચ્છો, તો તમે પહેલા મહિના માટે મફતમાં બેઝિક પ્લાનને પણ એક્સેસ કરી શકો છો. જોકે, પ્લાનની કિંમત આવતા મહિનાથી ચૂકવવી પડશે. ટૂંક સમયમાં આ યોજનાઓ દરેકને દેખાશે. જોકે, આ માટે થોડો સમય રાહ જોવી પડી શકે છે.

જાણો કેટલી છે એક મહિનાના લાઇટ પ્લાનની કિંમત

જો નવા Lite પ્લાનની વાત કરીએ તો તેનો માસિક પ્લાન 59 રૂપિયા રાખવામાં આવ્યો છે. આમાં 30 GB સ્ટોરેજનો ફાયદો આપવામાં આવી રહ્યો છે. આ પ્લાન એવા લોકો માટે ફાયદાકારક છે જેમની 15 GB ફ્રી સ્ટોરેજ ભરાઈ ગઈ છે અને તેમણે બેઝિક પ્લાન માટે ખર્ચ કરવાની જરૂર નથી. એવું માનવામાં આવે છે કે, આ યોજનાઓ ટૂંક સમયમાં દરેકને દેખાશે, જે હાલમાં ફક્ત સિલેક્ટેડ લોકો સાથે જ ટેસ્ટ કરવામાં આવે છે.