VIDEO: અમરેલીના ચીતલ ગામે વંદે ભારત ટ્રેનને સ્ટોપ મળતા વધામણા, તો લાઠીમાં લોકોમાં ભારે નારાજગી

અમરેલી જિલ્લાના ચીતલ ગામને વંદે ભારત ટ્રેનનો સ્ટોપ મળતા વધામણાંનું આયોજન કરવામાં આવ્યું છે. ચીતલને સ્ટોપ મળતા સ્થાનિકોમાં ખુશીનો માહોલ છે, પરંતુ બીજી તરફ લાઠી શહેરને વંદે ભારતનો સ્ટોપ ન મળતા લોકોમાં ભારે નારાજગી જોવા મળી રહી છે. લાઠીના લોકોનો સવાલ છે કે લાઠી જેવા મહત્વના શહેરને સ્ટોપ કેમ આપવામાં આવ્યો નહીં? આ મુદ્દે સ્થાનિક રાજકારણ પણ ગરમાયું છે. અમરેલીના સાંસદ ભરત સુતરીયા, રાજ્યસભાના સાંસદ ગોવિંદ ધોળકિયા અને ધારાસભ્ય જનક તળાવિયા લાઠી વિસ્તાર સાથે જોડાયેલા હોવા છતાં સ્ટોપ ન મળતા લોકોમાં રોષ છે. બીજી તરફ લાઠીના ભાજપના આગેવાનો ચાલતી ટ્રેનને ફૂલડે વધાવવા માટે ઉત્સાહિત છે. ત્યારે સ્થાનિકોમાં આ વિરોધાભાસ ચર્ચાનો વિષય બન્યો છે.