VIDEO / ખરાબ ફોર્મમાંથી પસાર થઈ રહેલો વિરાટ કોહલી પ્રેમાનંદ મહારાજને મળ્યો, અનુષ્કાએ માંગી આ વસ્તુ

છેલ્લા કેટલાક વર્ષોમાં, વિરાટ કોહલી અને અનુષ્કા શર્માએ ઘણી ધાર્મિક યાત્રાઓ કરી છે. તે બંને પ્રખ્યાત સંત પ્રેમાનંદ મહારાજને મળ્યા છે અને બાબા નીમ કરૌલીના કૈંચી ધામની પણ મુલાકાત લીધી છે. અને હવે ફરી એકવાર આ સ્ટાર કપલ પ્રેમાનંદ મહારાજના દરબાર પહોંચ્યું હતું. વિરાટ કોહલી તેની પત્ની અને બાળકો સાથે પ્રેમાનંદ મહારાજને મળવા પહોંચ્યો. આ દરમિયાન વિરાટે તેમને ઘૂંટણિયે પડીને પ્રણામ કર્યા. જ્યારે અનુષ્કા શર્માએ મહારાજને દંડવત પ્રણામ કર્યા.

આ પણ વાંચો: 'સાચું હોઈ શકે અને...' ધનશ્રી બાદ હવે ચહલે પણ છૂટાછેડાની અફવા પર તોડ્યું મૌન

અનુષ્કાએ પ્રેમાનંદ મહારાજ પાસેથી પ્રેમ અને ભક્તિ માંગી

ઘણીવાર, દેશના અગ્રણી વ્યક્તિઓ વૃંદાવનના લોકપ્રિય સંત હિત પ્રેમાનંદ ગોવિંદ શરણ જી મહારાજને મળવા અને તેમના દર્શન કરવા માટે આવે છે. વિરાટ અને અનુષ્કા બીજી વખત પ્રેમાનંદ મહારાજના દર્શને ગયા છે. આ દરમિયાન તેમણે વિરાટ અને અનુષ્કાના ખબરઅંતર પૂછ્યા. આ પછી અનુષ્કાએ કહ્યું, 'ગઈ વખતે જ્યારે અમે આવ્યા હતા, ત્યારે મનમાં કેટલાક પ્રશ્નો હતા. અને મેં વિચાર્યું કે હું પૂછીશ, પણ ત્યાં બેઠેલા બધાએ તમને કંઈક એવો જ પ્રશ્ન પૂછ્યો. અને જ્યારે હું તમારી સાથે મારા મનમાં વાત કરી રહી હતી, ત્યારે મારા મનમાં જે પ્રશ્નો હતા. બીજા દિવસે, જ્યારે હું એકાંતમાં વાતચીત જોતી, ત્યારે કોઈને કોઈ વ્યક્તિ એ પ્રશ્ન પૂછતા હતા. બોલિવૂડ અભિનેત્રીએ આગળ કહ્યું, 'તમે મને ફક્ત પ્રેમ અને ભક્તિ આપો'.

પ્રેમાનંદ મહારાજે વિરાટ-અનુષ્કાને આશીર્વાદ આપ્યા

પ્રેમાનંદ મહારાજે બંનેને આશીર્વાદ આપ્યા અને તેમની પ્રશંસા પણ કરી. તેમણે કહ્યું, 'આ લોકો (વિરાટ કોહલી અને અનુષ્કા શર્મા) ખૂબ બહાદુર છે. ખ્યાતિ અને સન્માન પ્રાપ્ત કર્યા પછી ભક્તિ તરફ વળવું ખૂબ મુશ્કેલ છે. અમને વિશ્વાસ છે કે તમારી ભક્તિનો તેમના પર ખાસ પ્રભાવ પડશે. ભક્તિથી ઉપર કંઈ નથી. નામનો જાપ કરો, ખુશ રહો. અને ખૂબ પ્રેમથી જીવો.'

બોર્ડર ગાવસ્કર ટ્રોફીમાં કોહલી નિષ્ફળ ગયો હતો

તાજેતરમાં પૂર્ણ થયેલી બોર્ડર ગાવસ્કર ટ્રોફીમાં વિરાટ કોહલી પોતાના બેટનો જાદુ ન ચાલ્યો. તેણે પાંચ મેચની નવ ઈનિંગ્સમાં ફક્ત 190 રન બનાવ્યા. વિરાટના બેટમાંથી ફક્ત એક જ સદી (પર્થ ટેસ્ટની બીજી ઈનિંગમાં અણનમ 100) આવી હતી.