VIDEO/ વડોદરા: હેરિટેજ માંડવીના રિસ્ટોરેશનમાં ભ્રષ્ટાચારના આક્ષેપ, કરોડોના ખર્ચ બાદ પણ સ્થિતિ 'જૈસે થે'

વડોદરાના ઐતિહાસિક માંડવી ખાતે ચાલી રહેલી રીસ્ટોરેશન અને નવીનીકરણ કામગીરી સામે હવે સવાલો ઉઠી રહ્યા છે. કોંગ્રેસ આગેવાનો દ્વારા આ કામગીરીમાં બેદરકારી અને તંત્રની ઉદાસીનતા અંગે ગંભીર આક્ષેપ કરવામાં આવ્યા છે. શહેરની શાન ગણાતી અને હેરિટેજ સ્થળ તરીકે ઓળખાતી માંડવીમાં કામ ગોકળગાયની ગતિએ ચાલી રહ્યું હોવાના આક્ષેપ સાથે યોગ્ય મોનીટરીંગ ન થતું હોવાની પણ ફરિયાદ ઉઠી છે. આગેવાનોના જણાવ્યા અનુસાર મનફાવે ત્યારે એક-બે કામદારો આવી સમારકામ કરી રહ્યા છે, જ્યારે અગાઉ પણ માંડવીના રીસ્ટોરેશન પાછળ કરોડો રૂપિયા ખર્ચાઈ ચૂક્યા છે. નોંધનીય છે કે ગત વર્ષે એપ્રિલમાં કાંગરા ખરતા મંદિરના પૂજારી હરિઓમ વ્યાસજીએ ચંપલ ન પહેરવાનો સંકલ્પ કર્યો હતો અને છેલ્લા એક વર્ષથી તેઓ ખુલ્લા પગે ચાલી રહ્યા છે.