VIDEO: નવસારીમાં બે દિવસ પહેલા થયેલા યુવાનની ચકચારી હત્યાનો ભેદ ઉકેલાયો

નવસારી શહેરના રિંગરોડ વિસ્તારમાં બે દિવસ પહેલા  થયેલી યુસુફ શેખ નામના યુવાનની ચકચારી હત્યાનો ભેદ ઉકેલી એલસીબી પોલીસે ચારેય આરોપીઓની ધરપકડ કરી છે. સુરતના હિસ્ટ્રીશીટર એવા આ ચારેય શખ્સોએ યુવાનને ચપ્પુના ઘા ઝીંકી મોતને ઘાટ ઉતાર્યો હતો. નવસારી એલસીબી પોલીસે બાતમીના આધારે બારડોલી-માંડવી રોડ પર આવેલા કંટાળી ગામેથી આ હત્યારાઓને ઝડપી લીધા છે. પકડાયેલા ગુનેગારો રીઢા ગુનેગાર છે અને તેમની વિરુદ્ધ દક્ષિણ ગુજરાતના વિવિધ પોલીસ સ્ટેશનોમાં ૩૧ જેટલા ગંભીર ગુનાઓ નોંધાયેલા હોવાનું સામે આવ્યું છે.