VIDEO: પોલીસની વિશેષ ડ્રાઈવ, જુગારના અડ્ડાઓ પર કરેલા દરોડામાં 32 જેટલા આરોપીઓની અટકાયત

મહારાષ્ટ્રના જાલના જિલ્લામાં પોલીસે ગુનેગારો સામે લાલ આંખ કરી છે. જિલ્લામાં ચાલતી ગેરકાયદેસર પ્રવૃત્તિઓને નાબૂદ કરવાના હેતુથી પોલીસે હાથ ધરેલી વિશેષ ડ્રાઈવ અંતર્ગત જુગારના અડ્ડાઓ પર દરોડા પાડી 32 જેટલા આરોપીઓની અટકાયત કરી છે. જાલના પોલીસ દ્વારા હાથ ધરવામાં આવેલી આ મોટી કાર્યવાહીથી ફફડાટ વ્યાપી ગયો છે.

પોલીસના જણાવ્યા અનુસાર, લાંબા સમયથી ચાલી રહેલા જુગારના અડ્ડાઓ વિશે મળેલી બાતમીને આધારે વિવિધ સ્થળોએ દરોડા પાડવામાં આવ્યા હતા. આ કાર્યવાહી દરમિયાન મોટી માત્રામાં રોકડ રકમ, મોબાઈલ ફોન અને અન્ય સાહિત્ય જપ્ત કરવામાં આવ્યું છે. પોલીસ અધિકારીઓએ જણાવ્યું કે જિલ્લામાં શાંતિ અને કાયદો-વ્યવસ્થા જળવાઈ રહે તે માટે આવી અસામાજિક પ્રવૃત્તિઓ સામે કાર્યવાહી ચાલુ રહેશે. પકડાયેલા તમામ આરોપીઓ સામે ગુનો નોંધી આગળની કાયદેસરની તપાસ હાથ ધરવામાં આવી છે.