VIDEO: કેદારનાથ યાત્રાને લઈને વહીવટી તંત્ર-આરોગ્ય વિભાગ સજ્જ, પદયાત્રા માર્ગ પર 12 થી 13 ચિકિત્સાલયો કાર્યરત

2026ની કેદારનાથ યાત્રાને લઈને વહીવટી તંત્ર અને આરોગ્ય વિભાગ સંપૂર્ણ રીતે સજ્જ છે. શ્રદ્ધાળુઓની સુવિધા અને સ્વાસ્થ્યને ધ્યાનમાં રાખીને ગૌરીકુંડથી લઈને કેદારનાથ સુધીના મુખ્ય પદયાત્રા માર્ગ પર ખાસ તબીબી વ્યવસ્થાઓ કરવામાં આવી છે. પદયાત્રા માર્ગ પર લગભગ 12 થી 13 ચિકિત્સાલયો કાર્યરત કરવામાં આવ્યા છે. દરેક ચિકિત્સાલયમાં નિષ્ણાત ડોક્ટરો અને પેરામેડિકલ સ્ટાફની ટીમ તૈનાત છે. તમામ સેન્ટરો પર પૂરતો ઓક્સિજન જથ્થો, ઈમરજન્સી ઈન્જેક્શન અને ECG જેવી આધુનિક સુવિધાઓ ઉપલબ્ધ છે. ઊંચાઈવાળા વિસ્તારોમાં શ્વાસ લેવામાં પડતી તકલીફ કે અન્ય સ્વાસ્થ્ય સમસ્યાઓ માટે વિભાગ સતર્ક છે. યાત્રાધામમાં આવતા દરેક શ્રદ્ધાળુઓને સુરક્ષિત અને સુખદ અનુભવ મળે તે માટે તંત્ર ચોવીસ કલાક કાર્યરત છે.