VIDEO: યાત્રાધામ દ્વારકામાં આજથી પવિત્ર પુરુષોત્તમ માસનો પ્રારંભ

યાત્રાધામ દ્વારકામાં આજથી પવિત્ર પુરુષોત્તમ માસનો પ્રારંભ થઈ રહ્યો છે. આગામી ૧૫ જૂન સુધી ચાલનારા આ અધિક જેઠ માસ દરમિયાન જગત મંદિર દ્વારકાધીશ ખાતે વિવિધ ધાર્મિક ઉત્સવોની ભવ્ય ઉજવણી કરવામાં આવશે. દ્વારકાધીશ દેવસ્થાન સમિતિ દ્વારા આ તમામ ઉત્સવોના દર્શનનો ખાસ કાર્યક્રમ જાહેર કરવામાં આવ્યો છે...નવા સમયપત્રક મુજબ, ૨૧ મેના રોજ વસંત પંચમીના ઉત્સાહ દર્શન બપોરે ૧:૩૦ થી ૨:૩૦ સુધી થશે. ૨૪ મેના રોજ રામનવમી નિમિત્તે બપોરે ૧૨ વાગ્યે ઉત્સવ આરતી થશે, જ્યારે સવારે ૧૦:૧૫ થી ૧૨ વાગ્યા સુધી દર્શન બંધ રહેશે. આ જ રીતે વિજયાદશમી, તુલસી વિવાહ અને વામન દ્વાદશીના ઉત્સવ દર્શન પણ ખાસ ક્રમ મુજબ યોજાશે. ૩૧ મેના રોજ દેવ દિવાળી પૂનમે મંગલા આરતી સવારે ૬:૦૦ વાગ્યે થશે. ૮ જૂને જન્માષ્ટમીનો મુખ્ય ઉત્સવ ઉજવાશે, જેમાં રાત્રે ૧૨ વાગ્યે કૃષ્ણ જન્મોત્સવના દર્શન થશે. જ્યારે ૧૫ જૂને અન્નકૂટ દર્શન સાથે ગોવર્ધન પૂજા યોજાશે.