VIDEO/ થરાદમાં ડીઝલના ભાવ વધ્યા પણ પંપો ખાલી

વાવ થરાદ જિલ્લામાં ડીઝલની અછત સર્જાતા ખેડૂતો અને વાહનચાલકો મુશ્કેલીમાં મૂકાયા છે. ઉનાળુ વાવેતર પૂર્ણતા તરફ હોય ત્યારે જ ડીઝલની તંગી ઊભી થતા ખેતીકામ પર સીધી અસર પડી છે. બાજરી અને જુવારની જમીન તૈયાર કરવા ખેડૂતો ખેતરોમાં પહોંચે તે પહેલાં જ ઇંધણની અછત જોવા મળી છે. બીજી તરફ ડીઝલમાં 3.9 અને પેટ્રોલમાં 3 રૂપિયાનો ભાવ વધારો ઝીંકાતા પરિસ્થિતિ વધુ ગંભીર બની છે. વહેલી સવારથી જ પેટ્રોલપંપો પર ખેડૂતોની લાંબી લાઈનો જોવા મળી રહી છે, છતાં પૂરતો પુરવઠો ન મળતા લોકો પરેશાન છે. ઇંધણની અછત અને ભાવ વધારાના કારણે ખેતી અને પરિવહન બંને પર ભારે અસર પડી રહી છે.