VIDEO/ ધોરાજી સુપેડી મંદિરનો વિવાદ ગરમાયો, સાધુ સમાજે કર્યું મોટું શક્તિ પ્રદર્શન

રાજકોટના ધોરાજી સ્થિત સુપેડીના મુરલી મનોહર મંદિરના પૂજારીનો વિવાદ હવે વધુ વકર્યો છે. મહંત શ રવિદાસબાપુને તેમનો ન્યાયિક હક્ક અને ગાદી પુનઃ અપાવવા માટે સમસ્ત રામાનંદી સાધુ સમાજ અને રામાનંદી નવનિર્માણ સેના મેદાને ઉતરી છે. આ ઘટનાને સમાજની ગરિમા અને પરંપરા પરનો પ્રહાર ગણાવીને ગુજરાતભરના સંતો-મહંતો અને યુવાનોની વિશાળ જનમેદની ઉમટી પડી છે. અન્યાય સામે લડવા માટે સુપેડીમાં યોજાયેલા આ મહાસંમેલન અને શક્તિ પ્રદર્શનને પગલે કોઈ અઘટિત ઘટના ન બને તે માટે ચુસ્ત પોલીસ બંદોબસ્ત ગોઠવી દેવામાં આવ્યો છે. પોલીસ કાફલા દ્વારા શાંતિપૂર્ણ માહોલ જળવાઈ રહે તે માટે સતત મોનિટરિંગ કરવામાં આવ્યું..