VIDEO/ દમણ પ્રશાસનની લાલબત્તી: દેવકા સી-ફેસ રોડ પર પેટ્રોલ-ડીઝલ વાહનો 'નો-એન્ટ્રી'

ઉનાળાના વેકેશનમાં દમણ ફરવા આવતા પ્રવાસીઓ માટે દમણ પ્રશાસન દ્વારા એક મહત્વપૂર્ણ જાહેરનામું બહાર પાડવામાં આવ્યું છે, જે પેટ્રોલ-ડીઝલના વાહનો લઈને આવતા લોકો માટે લાલબત્તી સમાન છે. નવા નિયમ અનુસાર, ૧૮ મેથી દમણના પ્રખ્યાત દેવકા સી-ફેસ રોડ અને જંપોરના રામસેતુ રોડ પર પેટ્રોલ અને ડીઝલની ગાડીઓ લઈ જવા પર સંપૂર્ણ પ્રતિબંધ મૂકવામાં આવ્યો છે. આ બંને રોડ પર હવે માત્ર ઇલેક્ટ્રિક કાર, સીએનજી ગાડીઓ, સાયકલ અથવા પગપાળા જતા સહેલાણીઓને જ મંજૂરી અપાશે. જો કોઈ વાહનચાલક આ પ્રતિબંધિત માર્ગો પર પેટ્રોલ કે ડીઝલ વાહન સાથે પકડાશે, તો પોલીસ દ્વારા તેની સામે કડક દંડકીય કાર્યવાહી કરવામાં આવશે.