VIDEO: બિહારના નાયબ મુખ્યમંત્રી સમ્રાટ ચૌધરીએ સરયુમાં ડૂબકી લગાવી, પાઘડી ઉતારી કહ્યું...
બિહાર ભાજપના પ્રદેશ અધ્યક્ષ અને નાયબ મુખ્યમંત્રી સમ્રાટ ચૌધરીએ બુધવારે અયોધ્યા
બિહાર ભાજપના પ્રદેશ અધ્યક્ષ અને નાયબ મુખ્યમંત્રી સમ્રાટ ચૌધરીએ બુધવારે અયોધ્યા પહોંચ્યા હતા, જ્યાં તેમણે સરયુ નદીમાં ડૂબકી લગાવી હતી. સમ્રાટ ચૌધરીએ જયારે ઇન્ડિયા ગઠબંધનમાં સામેલ થયા બાદ નીતિશ કુમારને હટાવવા માટે પાઘડી બાંધી હતી, તે પાઘડી બુધવારે રામ લલ્લાને સમર્પિત કરી હતી. પાઘડી ઉતારતા જ તેમના સમર્થકોએ જય શ્રી રામના નારા લગાવવાનું શરૂ કરી દીધું હતું. તેમના સમર્થકોએ કહ્યું કે નાયબ મુખ્યમંત્રીએ તેમની પાઘડી ભગવાન શ્રી રામના ચરણોમાં સમર્પિત કરી છે.
બિહારના ઉપમુખ્યમંત્રી અને ભાજપના પ્રદેશ અધ્યક્ષ સમ્રાટ ચૌધરીએ કહ્યું કે મેં સરયૂ નદીમાં ડૂબકી લગાવી હતી. હું છેલ્લા 22 મહિનાથી જે પાઘડી પહેરી રહ્યો છું તે ભગવાન રામને સમર્પિત કરી. આ પછી તેમણે પત્રકારો સાથે પણ વાત કરી. તેમણે કહ્યું કે સીએમ નીતિશ કુમારને પદ પરથી હટાવવાની તેમની પ્રતિજ્ઞા પૂર્ણ થઈ છે. જે બાદ તેમણે આજે પોતાની પાઘડી ઉતારી છે.
અગાઉ સમ્રાટ ચૌધરીએ કહ્યું હતું કે ભગવાન રામ અને માતા જાનકી વચ્ચે અતૂટ સંબંધ છે. એક રીતે, બિહાર અને યુપી બંને સહોદર પરિવારો છે. સમગ્ર ભારતના નિર્માણમાં બિહાર અને યુપીનું મહત્ત્વનું યોગદાન છે. હાથરસ નાસભાગની ઘટના પર તેમણે કહ્યું, "આ ખૂબ જ દુર્ભાગ્યપૂર્ણ છે, આવી ઘટના ન થવી જોઈએ. તપાસની પ્રક્રિયા શરૂ કરવામાં આવી છે."
આ અવસરે સમ્રાટ ચૌધરીએ પોતાના વાળ કપાવી માથે મુંડન કરાવ્યું હતું. તેઓ હનુમાન ગઢી મંદિરે દર્શન માટે પહોંચ્યા હતા અને આશીર્વાદ લીધા હતા. આ પ્રશ્ન પર કે તમારી પ્રતિજ્ઞા પૂર્ણ થઈ. આના પર સમ્રાટ ચૌધરીએ પાઘડી ઉતાર્યા બાદ કહ્યું, “બિલકુલ, મેં 28 જૂને જ પટનામાં જાહેરાત કરી હતી કે હું અયોધ્યા જઈને ભગવાન શ્રી રામના ચરણોમાં સમર્પિત કરીશ.
માતાના મૃત્યુ બાદ સમ્રાટે પાઘડી પહેરી હતી
સપ્ટેમ્બર 2022માં પોતાની માતાના અવસાન બાદ સામ્રાટે માથે પાઘડી પહેરી હતી. આ પછી, એક સભામાં લોકોને સંબોધિત કરતા તેમણે કહ્યું હતું કે જ્યાં સુધી તેઓ નીતિશ કુમારને મુખ્યમંત્રી પદ પરથી હટાવશે નહીં ત્યાં સુધી તેઓ તેમની પાઘડી નહીં ઉતારે. સમ્રાટ ચૌધરીએ અન્ય મંચો પર પણ આનું પુનરાવર્તન કર્યું. તે સમયે બિહારમાં મહાગઠબંધનની સરકાર હતી. સમ્રાટ ચૌધરી સીએમ નીતીશ કુમાર અને મહાગઠબંધન સરકાર પર સતત હુમલો કરતા હતા. અચાનક રાજકીય ઉથલપાથલ થઈ ગઈ અને સીએમ નીતિશ કુમાર ભાજપમાં જોડાઈ ગયા. મહાગઠબંધનના આગેવાનો પણ સમ્રાટના પાઘડી ખોલતા સવાલો ઉઠાવી રહ્યા છે. અયોધ્યા જતા પહેલા સમ્રાટ ચૌધરીએ કહ્યું કે બિહારના વિકાસ માટે અંગત કંઈ કરી શકાય નહીં. રાજ્ય અને દેશ માટે વ્યક્તિગત નિર્ણયો પણ બદલી શકાય છે.
